1 Amuleina 10:2 - Bible azumeina

² Ti mba Jerusalem kazungeî matna ablaud’a ki djambala ad’ud’u, ti yoï mbul ma his ma afufuîna ki lora anek ngola kahina d’a guzut kal teglesa teteng. Ti mba gen Salomon, ti djobom yam zla d’a ndat minit kuruta pet.

1 Amuleina 10:2 ပူးပေါင်းရင်းမြစ်များ

Ad’u Tinda 18:33

Kid’a Ma didina mi de zlad’a mi Abraham dad’a, mi iya; Abraham mi hulong avo hatam mi.

1 Amuleina 10:10

Bugola, amul la Seba-d’a ti hamulâ Salomon lora go ki tonna hindi ki nusa ki mbul ma his ma afufuîna ngola kahina d’a guzut kal teglesa teteng mi. Kur bur máma dei gak ini, sa nga bei mi mba ki mbul ma his ma afufuî ma hina na yam ambas sa Israel-la ba.

1 Amuleina 10:3

Salomon mi hulongôt humba yam zla d’a ndat ti djobom kata pet; zla d’a bei mam hulongôt humba kata nga d’i.

2 Amuleina 20:13

Ezekiyas mi vazi atamu, mi tagazi aziyam ma mam nga mi ngom ahle mam suma guzuzi kal teglesâ kuana pet, nala, kawei ma hapma, lora, mbul ma his ma afufuîna ki mbul ma guzum kal teglesâ. Mi tagazi yima ahle mam suma dur ayîna a nga kuana kahlena pet suma a nga ata yi mam ma ngom ahlenina. Vama Ezekiyas arazizi bei taka ma kur aziyam ma amulina, d’oze ma kur leu mambina nga d’i.

2 Amuleina 5:5

Amulâ mi dum ala: Djiviya! Ang iya. An nga ni hang mbaktumba abong mamul ma Israel-lâ. Näman mi i yo kawei ma hapma kilona kikis hindi, lora kilona dok karagaya ki baru ma lü vun tilâ dogo mi.

2 Amuleina 5:9

Wani Näman mi mba ki pusâ hakulumeinina kakulumei mama, mi tchol avun azina hi Elise-na.

Wana ni mbaktumba hi Job-pa 4:2

Le ami malami vunami á dang zlad’a ni, ang hurung mba zal zu? Wani ni nge ba, mba mi kak hina mudjuk ke?

Sawal la giled’a 4:4

Agi wagi ala Ma didina mi wan hohowon ngola; ata yima an nga ni yuma, nga mi humunu.

Sawal la giled’a 72:10

Amulei suma Tarsis-sâ ki suma yam tilina, a mba mbam ki he d’a hawad’a, amulei suma Saba-na kamulei suma Seba-na a mba hum he d’a hawad’a mi.

Buzuk ka Abud’a 25:6

mbul ma yam lalambina, mbul ma his ma djivi ma a tolom aduk mbul ma a vom yam suma á tinizi ki irazi vazina ki dubang ma his djivid’a ma ngala,

Isai 30:6

Gola! D’uwarâ nga mi i kahlena huyogom sirad’a kur lovot ta i abo ma sutnid’a. A nga tit kur yima hohoud’a ki yima ndaka. Ni yima azlod’a kazlona ki mageid’a ki dragon ma pira nga kua na. A nga zi ahle suma ndjondjoîna ki korona ki djambala mi suma a ndak á le vama djivi mi suma d’uo na,

Ezekiyel 27:22

Suma mbut abozi suma Saba-na ki suma Rama-na a nga mbut abozi ki sed’engû. A nga mba kandjaf mbul ma his ma afufuî ma kal teglesâ, andjaf ahina d’a guzut kal teglesa ki lora mi.

Wana ni Zla d’a Djivi d’a Luc mi b’irita 24:15

Ata yima azi nga yo siretna, a nga djop tazina, Jesus tamba mi hut geveziya, nga mi tit ki sed’eziya.

Sunda hi suma a sunuzinid’a 25:23

Tcha ndjivinda Agripa ki Berenis a min tazi ki baru mazi ma amula, a mba ki nglo suma dur ayîna ki suma nglo suma kur azì ma ngol mámina, a tchuk ata yima b’ak zlad’a. Festus mi he vuna á mbeï ki Paul avoroziya.