1 Amuleina 10:1 - Bible azumeina

¹ Amul la Seba-d’a ti hum zla Salomon, ti mba á kugum ki ne mamba, ti djobom yam zla d’a mudurid’a.

1 Amuleina 10:1 ပူးပေါင်းရင်းမြစ်များ

Ad’u Tinda 10:28

Obal, Abimayel, Seba,

Ad’u Tinda 10:7

Kus groma ba wana: Saba, Havila, Sapta, Rayema ki Sapteka. Rayema groma ba wana: Seba ki Dedan.

Ad’u Tinda 25:3

Joksan mi vut Seba ki Dedan; Dedan groma ni suma Asur-râ, suma Letus-sâ ki suma Leuma-na.

1 Amuleina 10:24

Suma yam andagad’ina pet a nga mba á djop zlad’a mi Salomon yam ne d’a Alona mi humzid’a.

1 Amuleina 4:31

Ne mamba ti kal suma pet, kal Etan ma Esra-na tamba mi, kal Heman ko, kal Kalkol ki Darda Mahol groma. Ne mamba ti kal ngola, zlam nde yina kur azì ma nguyuma pet mi.

1 Amuleina 4:34

Wani andjaf suma lara ge pet a mba á hum ned’a hi Salomon nda mi nga ki d’a. Amulei suma yam andagad’ina pet suma a hum zla ne mambina a sunï suma gevem mi.

1 Amuleina 5:14

Til ma lara pî mi sun sumuna adigazi 10.000 yam ahuniyô suma Liban-na. Azi le sunda tilâ tu, a hulong le tilâ mbà avo hatazi mi. Adoniram ni ma yam sun ndatina.

Wana ni mbaktumba hi Job-pa 28:28

Bugola, mi de mi sana ala: Gagazi, le mandara Ma didina ni ned’a, wal tang ngei dei ki tchod’a ni wad’ud’a mi.

Wana ni mbaktumba hi Job-pa 6:19

Ablau suma Tema suma a tit ki djambalina a so irazi gola kua á hal mbina; suma tit suma Seba-na a tin huruzi á fe mbiyo máma.

Sawal la giled’a 49:4

Zla d’a nga d’i ndavunanda ni zla d’a irata, djib’er manda ni djib’er ra djivid’a.

Sawal la giled’a 72:10

Amulei suma Tarsis-sâ ki suma yam tilina, a mba mbam ki he d’a hawad’a, amulei suma Saba-na kamulei suma Seba-na a mba hum he d’a hawad’a mi.

Sawal la giled’a 72:15

Ar va mi lum mbi! Ar a hum lor ra Saba-d’a, ar a tchen Alona kam kur burâ kaf, ar a tchen Alona kam burâ ki burâ ala mi b’e vunam kamu.

Isai 60:6

Suma djambala ablaud’a a mba oî yam ambas maka. Azi ni suma djambal suma Madiyan-na ki suma Efa-na. Azi pet a mba tcholï ni Seba, a mba mba ki lora ki dubang ma his djivid’ina, a mba gile Ma didina mi.

Jeremi 6:20

Ni djiviya me ba, a mban ki dubang ma his djivid’a ma Seba-na, ki dubang ma his djivid’a ma yam ambas sa deid’ina ge? He d’a hawa mazi d’a ngala nga d’i lan tan djivi d’i, ahle mazi suma ngat buzuna tan nga d’i lan djivi kazi d’uo mi.

Ezekiyel 16:14

Simiyêk mi nde yina aduk andjaf suma, kayam djif ma’â mi ndak memet, kayam mbut ta an mbud’uk djifâ ndak nga d’i ngal wiwilika. An Salad’a Ma didina ni de na.

Ezekiyel 38:13

Suma Seba-na ki suma Dedan-na ki suma mbut abozi suma Tarsis-sâ ki suma a nguyuzina pet a mba djobong ala: Ang mba ná yo ahlena zu? Ang tok azigar ndazina ná hurumba, ná yo kawei ma hapma ki lora ki d’uwar mazina ki ndjondjoî mazid’a á oî ahlena abong ngola zu?

Matiye 12:42

Kur bur ma ka sariyad’a, amul la abo ma sutnid’a mba d’i tchol á ka sariyad’a yam suma kur atchogoi d’a wandina, kayam ti tcholï avun dabid’a handagad’id’a adjeu, ti mba á hum ned’a hi Salomon-nda. Gola! Ma kal Salomon ki ngolina mi kä wana.

Matiye 13:11

Mi hulong dazi ala: Alona mi hagi wad’ud’a á we zla d’a mudurid’a yam leu d’a akulod’id’a, wani mi hazizi nga mi azi d’i.

Matiye 13:35

Ahle ndazina a le hina á ndak vun zla d’a ma djok vun Alona mi dat ala: An mba ni mal vunan ndei á de zlad’a ki d’ogolâ, an mba ni de vama nga ngeid’a kä adjeu dei kad’u tinda handagad’ina woyo d’a.

Marik 4:34

Wani mi dazi nga zlad’a bei d’ogolâ d’i. Wani keng woi vam tu, mi ve mam suma hata ad’u ahlena pet suma mi had’azizina.

Wana ni Zla d’a Djivi d’a Luc mi b’irita 11:31

Kur bur ma ka sariyad’a, amul la abo ma sutnid’a mba d’i tchol á ka sariyad’a yam suma kur atchogoi d’a wandina, kayam ti tcholï adjeu avun dabid’a handagad’id’a, ti mba á hum ned’a hi Salomon-nda. Gola! Ma kal Salomon ki ngolina mi kä wana.

Jean 17:3

Ari d’a didinda ba wana, nala, a wang ala ang tu nAlo ma gagazina, a wan ala an Jesus Christ ni ma ang sununïna mi.