1 Amuleina 1:41 - Bible azumeina

⁴¹ Adoniya ki suma mi yazina pet, ata yima abozi dap tenina, a hum siwela hi sumid’a. Jowap tamba mi hum tchina hadifina, nga mi djop ala: Suma a siwel hur azina nana na ge?

1 Amuleina 1:41 ပူးပေါင်းရင်းမြစ်များ

1 Amuleina 1:40

Suma pet suma a i ki sed’em hur azinina, a nga tit blogomu, a nga lü ki taulâd’a, a nga le furîd’a ngola. Andagad’a nga d’i yir abo siwel mazid’a.

1 Amuleina 1:42

Ata yima mi djop hina djopma, gol wani, Jonatan, ma ngat buzuna Abiyatar goroma mi mba. Adoniya mi dum ala: Angî sama hlang ngolina, ang hud’ïya, ang mba ni ki zla d’a djivid’a d’uo zu?

Wana ni mbaktumba hi Job-pa 20:5

suma asa’atna a hle sawal la bangâna ni gid’enga hina ngiyeû go, furîd’a hi sama nga mi kud’or Alona d’uo na ni gid’enga hina getib’engû d’a d’uo zu?

Buzuk ka Abud’a 32:17

Ata yima Josue mi hum siwel la wü d’a suma a nga siweleta, mi de mi Moise ala: Siwela hayî ma durâ nga kur kangâ!

Zla d’a d’ogolâ 14:13

Kur furîd’a wan pî dam hur ma wurana nga kua, dabid’a hi furîd’id’a dam hur ma b’laka nga kua mi.

Matiye 21:15

Wani kid’a nglo suma ngat buzuna azi ki suma hat gata a wahle suma ndandal suma mi lazina, a we gugureina a nga er ad’uzi kur yi máma ala: Suburi David goroma d’a, huruzi mi zala,

Sunda hi suma a sunuzinid’a 21:31

Kid’a azi hal á tchumba, vuna mi i mi fe ma ngolâ hi azigar suma Romê-nina ala: Suma Jerusalem-ma a nga le hina wü.