1 Amuleina 1:38 - Bible azumeina

³⁸ Sadok ma ngat buzuna ki Natan ma djok vun Alona ki Benaya Jehojada goroma zlapa ki suma a nga ngom azì ma amula suma Keret-na ki suma Pelet-na, a i gen Salomon, a hlum a tinim yam koro d’a amula hi David-ta, a i ki sed’em Gihon.

1 Amuleina 1:38 ပူးပေါင်းရင်းမြစ်များ

2 Samuel 13:29

Azungeîna hi Apsalom-ma a le d’igi Apsalom mi hazi vuna na, a tchi Amnon. Ata yi máma amulâ groma pet a tchola, nge nge pî mi nga yam koro ma akulum ma akulum mama, mi ringâ.

2 Samuel 15:18

Azungeî mama pet, suma Keret-na pet ki suma Pelet-na pet, a i gevemu. Suma kikis karagaya suma a tcholï Gat ki sed’ema a kal avoromu.

2 Samuel 20:7

Suma hi Jowap-ma a buzuk á i bugol Abisai zlapa ki suma Keret-na ki suma Pelet-na ki suma gangrangâ pet. A buzuk kei Jerusalem á dik Seba Bikri goroma.

2 Samuel 8:18

Benaya Jehojada goroma ni ma ngolâ hi suma Keret-na ki suma Pelet-na. David groma a nga kad’enga yam ahlena teteng mi.

1 Amuleina 1:26

Wani mi yi nga ma ngat buzuna Sadok koze Benaya Jehojada goroma d’oze gorongâ Salomon ndoze an tanda d’uo mi.

1 Amuleina 1:33

Mi dazi ala: Agi togogi azungeî man suma d’engzengâ, agi hlagi gorona Salomon, agi tinim yam koro ma nda amula, agi igi ki sed’em avun mbiyo ma lau ma Gihon-na.

1 Amuleina 1:8

Wani ma ngat buzuna Sadok ki Benaya Jehojada goroma ki ma djok vun Alona Natan ki Simei ki Rei ki azigar suma a nga ngom David tambina pet a nga zlapa ki Adoniya d’i.

1 Amuleina 2:15

Mi dat ala: Ndak wala amula nabonu, wani Israel-lâ pet a nga djup ala ni an ba ni vrak tamula balum abunu. Wani ahlena a mbud’a. Salomon wiyena mi kak wa amula, kayam Ma didina mi min na.

1 Amuleina 2:35

Amulâ Salomon mi vrak Benaya balum Jowap yam azigarâ, mi vrak Sadok balum Abiyatar ma ngat buzuna mi.

1 Sunda Hamuleinid’a 18:17

Benaya Jehojada goroma ni ma ngolâ hi suma Keret-na ki suma Pelet-na. David groma a nga kad’enga yam ahlena teteng mi.

Sofoni 2:5

Ni zla d’a hohoud’a yam agi andjaf ma Keret ma nga kaka avun alum ma ngolîna. Ndak Kanan ambas sa Filistê-d’a, Ma didina mi dala: an mba ni b’lagak keyo, a mba fe sama kak kuruk ki.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

1 Samuel 30:14

Ami i ni dur ayîna abo ma sutna hi Keret-na, yam andaga d’a Juda abo ma sutna hi Kalep-ma, ami ngalami azì ma Sikla’â woi mi.