Odömänoidi 11:27 - Waorani

²⁷ Ïninque wënæ wënæ näni cægaïnö ante wadæ cæte wido cædinque Wængonguï tömënäni ïnänite ïïmaï angampa. Botö pönö cæbo ate mïnitö Ao ämïni ïninque edæ mönö godongämæ̈ waa cæte quëwengæ̈impa, ante Wængonguï angampa,” ante yewæ̈mongadänimpa.

Odömänoidi 11:27 ပူးပေါင်းရင်းမြစ်များ

Itota Codito ingantedö ante Wäö nänö watapæ̈ ante yewæ̈mongainta 1:29

Baänæ ate Itota bee tente pongä adinque Wäö apæ̈necantapa. “Aedäni, ïingä Wængonguï da pönongä pöningä ingampa. Ayæ̈ tömengä waodäni inguipoga quëwënäni näni wënæ wënæ cægaïnö ante æ̈ninque teëmë mongænte wænguingä ingampa, ante Wængonguï tömengä ingante, Codotedo, ante pönö pemongacäimpa.

Ebedeoidi 10:16

“Mönö Awënë ïïmaï angacäimpa. Mänïñedë ate ïincayæ̈ ate, botö pönö cæbo ate Ao änäni ïninque mönö godongämæ̈ waa cæte quëwengæ̈impa, ante ïinque cæcæte ante ïïmaï cæcæboimpa, angacäimpa. Botö pönö apæ̈nebo ëñëninque tömënäni, Ïïmaï cæedäni, ante botö wææ angaïnö incæ mïmönë entawencædänimpa. Botö pönö apæ̈nebo ëñëninque mänïne ante ocai encate ëñencædänimpa.