Odoca 7:7 - Waorani

⁷ Ayæ̈ adobaï, “Botö wïï waëmö ïnömo inte edæ bitö weca pönämaï intabopa. Incæte bitö adoyömö ongöninque ämi ïninque botö ïmote në cæcä waa bacæcäimpa.

Odoca 7:7 ပူးပေါင်းရင်းမြစ်များ

Mäadoco 1:27

Itota angä wënæ tao gocä adinque tömänäni guïñente wædinque näni caboque wæætedö wæætë tededinque, —Ïingä ïñömö quïnö baï ante cæcä. Tömengä në angä ïnongä inte edæ mä pönï odömonte apæ̈necampa. Edæ wënæidi në wentamö ëwocadäni ïnänite tömengä angä ëñente cædänipa, ante awædö.

Odoca 4:36

Itota angä wënæ tao gocä adinque tömänäni guïñente wædinque nämäneque tededinque, —Tömengä æbänö cæte në angä ingää. Ïñæmpa në angä ïnongä inte tömengä tæ̈ï pïñæ̈ninque wënæidi në wentamö ëwocadäni ïnänite angä tao godäni awædö.

Odoca 5:13

Äñongä Itota pædæ wææmpo gampo caadinque, —Ao ämopa. Bitö waintai baacæbiimpa. Ante tæcæ äñongä ñömæ̈intai nänö ëñadintai edæ dæ baadinque tömengä waintai do baacantapa.

Odoca 7:6

Änäni ëñëninque Itota në aadäni näni Picæncabo tönö wadæ gocantapa. Oncö obo pöñönänite tontado capitäö ïñömö tömengä guiidënäni ïnänite, Go bee tëninque botö beyæ̈ Itota ingante ïïmaï ante apæ̈needäni, angantapa. “Awënë ee ongöe. Botö waëmö ïmopa diyæ̈ bitö botö oncönë pö guiiquïmii, ante capitäö bitö ïmite angampa,” ante apæ̈needäni, angä ponte apæ̈nedänitapa.

Odoca 7:8

Bitö ïñömö Awënë Wængonguï ingante në ëñente cædömi ïmi baï botö adobaï wacä awënë ingante në ëñente cæbo ïmopa. Ïninque botö awënë ëabo inte botö awënë beyænque ämo ëñëninque tontadoidi wæætë guïñente wædinque botö änö ante cædänipa. Ïninque adocanque ingante botö, Goe, ämo ëñëninque edæ do gocampa. Wacä ingante, Pöe, ämo ëñëninque edæ do pongampa. Ayæ̈ botö ïmote në cæcä ingante, Cæe, ämo ëñëninque edæ do cæcampa.” Mänömaïnö ante Itota ingante botö beyæ̈ ante apæ̈nemïni ëñengäedäni, ante tontado capitäö ïñömö tömengä guiidënäni ïnänite angä godinque tömënäni wæætë capitäö nänö änö baï ante Itota ingante adodö ante apæ̈nedänitapa.