Odoca 22:35 - Waorani

³⁵ Ayæ̈ wæætë tömënäni ïnänite, —Botö wëënëñedë mïnitö ïmïnite da godöninque, Godonte æ̈inta da wente ænguincadedë æ̈nämaï inte goedäni, antabopa. Mäincoo da wente ænguï næ̈æ̈nämaï inte awæncata næ̈æ̈nämaï inte goedäni, ante botö da godömo godinque mïnitö ænguënëmïni inte wæmïnitawo. Äñongante, —Ænguënente wædämaï intamönipa, änänitapa.

Odoca 22:35 ပူးပေါင်းရင်းမြစ်များ

Odoca 10:4

Godonte mïni ænguinta wente æ̈ï æ̈nämaï inte mäincoo mongænte godämaï ïedäni. Awæncata næ̈ænte godämaï ïedäni. Taadö godinque wacä ingante bee tëninque apæ̈nedämaï inte goedäni.

Odoca 22:34

Ante apæ̈necä ëñëninque Itota angantapa. —Pegodo, bitö ïmite ämo ëñëe. Tawadiya ñöwoönæ ayæ̈ pedämaï ïñonte bitö botö ïmotedö apæ̈nedinque, Dicæ abogaa, ante mempoga go adopoque anguïmi ïmipa, ante Itota apæ̈negacäimpa.

Odoca 22:36

Itota wæætë tömënäni ïnänite, —Ñöwo ïñömö æcänö godonte æ̈inta da wente ænguincade mäna tömengä mänincade næ̈ænte gocæcäimpa. Ayæ̈ mäincoo da wente ænguï adobaï næ̈ænte gocæcäimpa. Ayæ̈ yaëmë mänämaï ingä inte weocoo yacoo në mäningä wacä ingante godonte æ̈ninque wæætë yaëmë godonte æncæcäimpa.

Odoca 9:3

Ïïmaï angacäimpa. —Mïnitö ömæpomïni taadö goedäni. Ongonto incæ mäincoo da wenguincade incæ cænguï incæ godonte æ̈inta incæ tömancoo edæ æ̈nämaï inte ömæpomïni godinque edæ ëñacooque ëñate goedäni, angantapa.

2 Coodintoidi 8:15

Edæ do yewæ̈mongatimpa. “Cænguï gomonga wææmpo æ̈ningä incæ tömengä nänö ænguënenganca ænte baï mäninque godömenque mänämaï ingantapa. Wæætë edæ wædænque wææmpo æ̈ningä guiquënë tömengä nänö ænguënenganca eyepæ̈ ænte baï eyepæ̈ mangantapa.” Ante näni yewæ̈mongaïnö baï ïinque bacæ̈impa, ante mïnitö ïmïnite ämopa.