Odoca 18:42 - Waorani

⁴² Angä ëñëninque Itota wæætë, —Wëënë bitö ëmongaï baï abäwe. Edæ wede pönëmi inte edæ waa bamömipa.

Odoca 18:42 ပူးပေါင်းရင်းမြစ်များ

Mäateo 15:28

Äñongante Itota, —Onquiyæ̈mi ëñëmi. Bitö nanguï pönënïmi ïñömite bitö änö ante do cæte impa. Ante tæcæ apæ̈neyongä tömengä wengä edæ do adoyedë edæ waa bagacäimpa.

Mäateo 8:3

Äñongante Itota pædæ wææmpo gampo caadinque, —Ao ämopa. Bitö waintai baacæbiimpa. Angä ïninque ñömæ̈intai nänö ëñadintai dæ baadinque tömengä waintai edæ do baacantapa.

Mäateo 9:22

Gampocä ate Itota dadi ëmæ̈monte adinque, —Onquiyæ̈mi, wæwënämaï ïe. Bitö wede pönënö beyæ̈ edæ wantæ bawënëmipa. Ante äñongä do edæ wantæ bawënengacäimpa.

Odoca 17:19

Äninque Itota tömengä ingante, —Bitö wede pönënö beyænque waintai baadïmi inte ængæ̈ gantite goe, angantapa.

Odoca 18:41

—Æbänö ante ämii. Bitö beyæ̈ quïnö cæquïmoo. Äñongante, —Awënë, wëënë botö ëmongaï baï cæbi acæboimpa.

Odoca 7:50

Ante wædinque tedeyönäni Itota ïñömö onquiyængä ingante, —Bitö wede pönënö beyænque quëwencæbiimpa. Ñöwo edæ wædämaï inte goe, angacäimpa.

Odoca 8:48

Ante apæ̈necä ëñëninque Itota, —Onquiyæ̈mi ëñëmi. Bitö wede pönënö beyæ̈ edæ wantæ bawënëmipa. Ñöwo edæ nö bawënëmi inte wampo pönente waa goe, ante godö ædæmö apæ̈necantapa.