Odoca 15:4 - Waorani

⁴ “Mïnitö ïñæmpa. Mïni waocabo ïñömïnite adobi ïñömö bitö obegaidi tiëë ganca ëabi ïñömi obega adocanque incæ wë womonte edæ dæ bacä ïninque bitö ïñömö æbänö cæbaïmii. Edæ nöobenta i nöebe ïnäni ayæ̈ ongoncoo ïnänite yabæque ëmö cæte godinque önömæca gote wë womöningä ingante bitö ædö cæte diqui diqui mïnämaï ïmii. Bitö aganca cöwë edæ diqui diqui mïmaïmipa.

Odoca 15:4 ပူးပေါင်းရင်းမြစ်များ

Mäateo 12:11

Ante Itota ingante äñönänite tömengä wæætë, —Guëmanguïönæ ïñonte waocä tömengä cæ̈ningä ontatodë goyæ̈ guii adinque mïni waocabo ïmïni incæ æcämë pædæ guiipote æ̈nämaï ïmaingää.

Odoca 13:15

Ante pïïñongante mönö Awënë wæætë, —Mïnitö wadö tedete në wadö cædömïni inte ëñëedäni. Mïnitö cæ̈ningä ïñömö wagada incæ bodo incæ gue æ̈nente wæyongante mïnitö guëmanguïönæ ï incæte cöwë ñï cæyænte æpæ̈ wedeca ænte mäo gönömïni gongænte becampa.

Odoca 15:3

Ante pïinte tededäni wædinque Itota, Wængonguï Awënë nempo quëwëninque æbänö cæquïï, ante ëñencædänimpa, ante ïmæca quëwënäni näni cæïnö ante odömöninque ïïmaï apæ̈necantapa.

Odoca 19:10

Botö Waobo ëñagaïmo ïñömö æ̈mo beyænque quëwencædänimpa, ante cædinque wë womonte baï ïnäni ïnänite diqui diqui mincæ pontabopa, ante Itota apæ̈negacäimpa.

Odömänoidi 2:1

Tömënäni mänömaï cædänipa. Incæte bitö adobaï wïwa cædömi inte tömëmi pante wæquinque tömënäni ïnänite apænte ämipa. Ïninque bitö wacä ingante, Bitö pante wæquinque wïwa cæbipa, ante apænte ämi inte bitö ïñæmpa adobaï wïwa cædömi inte edæ æbänö cæte nämä ante wææ anguïmii.

1 Pegodo 2:25

Edæ obegaidi pämænte godäni baï ingaïmïni inte mïnitö ñöwo në aacä weca adodö ocæ̈ ëmænte pömïni adinque tömengä ïñömö edæ mïnitö önöwoca beyæ̈ ante wææ aacä ëwocamïnipa.