Mäateo 9:29 - Waorani

²⁹ Apæ̈neda ëñëninque Itota pædæ gopo gampomöninque, —Në pönëmïna ïnïmïna inte mïna pönenganca do waa bacæmïnaimpa.

Mäateo 9:29 ပူးပေါင်းရင်းမြစ်များ

Mäateo 15:28

Äñongante Itota, —Onquiyæ̈mi ëñëmi. Bitö nanguï pönënïmi ïñömite bitö änö ante do cæte impa. Ante tæcæ apæ̈neyongä tömengä wengä edæ do adoyedë edæ waa bagacäimpa.

Mäateo 20:34

Äñöna Itota tömëna godongämæ̈ wæte baï pönëninque edæ pædæ gopo gampomongantapa. Gampomongä ate tömëna waa ada badinque Itota mïñæ̈ do godatapa.

Mäateo 8:13

Äninque Itota wæætë tontado capitäö ingante, —Ñöwo wadæ goe. Bitö pönënö baï do bacæ̈impa. Ante äñongä adoyedë Itota nänö änïñedë incæ awënë ingä në cæcä do waa bagacäimpa.

Mäateo 9:22

Gampocä ate Itota dadi ëmæ̈monte adinque, —Onquiyæ̈mi, wæwënämaï ïe. Bitö wede pönënö beyæ̈ edæ wantæ bawënëmipa. Ante äñongä do edæ wantæ bawënengacäimpa.

Mäateo 9:28

Aa peyöna tömengä edæ oncönë go guiicä adinque adoyömö pö guiidatapa. Guiida adinque Itota tömëna ïnate, —Mïna änö ante nö waa cæquïmo, ante pönëmïna. Äñongante, —Ao. Awënë, bitö änö baï cæcæbiimpa, ante pönëmönapa.

Mäadoco 10:52

Angä ëñëninque Itota, —Waa bitö bamonguinque botö ïmote pönëmitapa. Önonque wadæ gobäwe. Äñongante tömengä do waa bamonte adinque Itota mïñæ̈ taadonque gogacäimpa.