Mäateo 9:22 - Waorani

²² Gampocä ate Itota dadi ëmæ̈monte adinque, —Onquiyæ̈mi, wæwënämaï ïe. Bitö wede pönënö beyæ̈ edæ wantæ bawënëmipa. Ante äñongä do edæ wantæ bawënengacäimpa.

Mäateo 9:22 ပူးပေါင်းရင်းမြစ်များ

Mäateo 15:28

Äñongante Itota, —Onquiyæ̈mi ëñëmi. Bitö nanguï pönënïmi ïñömite bitö änö ante do cæte impa. Ante tæcæ apæ̈neyongä tömengä wengä edæ do adoyedë edæ waa bagacäimpa.

Mäateo 17:18

Ayæ̈ wënæ ingante pïïninque Itota, Tao gobäwe, angä tao gocä ate wëñængä ïñömö dobæ waa bacantapa.

Mäateo 8:13

Äninque Itota wæætë tontado capitäö ingante, —Ñöwo wadæ goe. Bitö pönënö baï do bacæ̈impa. Ante äñongä adoyedë Itota nänö änïñedë incæ awënë ingä në cæcä do waa bagacäimpa.

Mäateo 9:2

Pongä adinque wadäni në cömäingä möimpataa öñöñongante edæ æ̈matæ̈ æ̈matæ̈ bæi ongöninque tömengä ingante næ̈ænte pönänitapa. Næ̈ænte pönäni adinque, Në næ̈ænte pönïnäni tönö në cömäingä wede pönente pönänipa, ante adinque Itota ïñömö në cömäingä ingante, —Botö wëmi ëñëmi. Wënæ wënæ bitö cædïmämo ante ñöwo ñimpo cætimpa.

Mäateo 9:29

Apæ̈neda ëñëninque Itota pædæ gopo gampomöninque, —Në pönëmïna ïnïmïna inte mïna pönenganca do waa bacæmïnaimpa.

Mäadoco 10:52

Angä ëñëninque Itota, —Waa bitö bamonguinque botö ïmote pönëmitapa. Önonque wadæ gobäwe. Äñongante tömengä do waa bamonte adinque Itota mïñæ̈ taadonque gogacäimpa.

Mäadoco 5:34

Apæ̈necä ëñëninque Itota wæætë, —Onquiyæ̈mi ëñëmi. Bitö wede pönënö beyæ̈ edæ wampo bawënëmipa. Ñöwo edæ wædämaï inte waa godinque nö bawënente quëwëe, angantapa.

Odoca 17:19

Äninque Itota tömengä ingante, —Bitö wede pönënö beyænque waintai baadïmi inte ængæ̈ gantite goe, angantapa.

Odoca 18:42

Angä ëñëninque Itota wæætë, —Wëënë bitö ëmongaï baï abäwe. Edæ wede pönëmi inte edæ waa bamömipa.

Odoca 7:50

Ante wædinque tedeyönäni Itota ïñömö onquiyængä ingante, —Bitö wede pönënö beyænque quëwencæbiimpa. Ñöwo edæ wædämaï inte goe, angacäimpa.

Odoca 8:48

Ante apæ̈necä ëñëninque Itota, —Onquiyæ̈mi ëñëmi. Bitö wede pönënö beyæ̈ edæ wantæ bawënëmipa. Ñöwo edæ nö bawënëmi inte wampo pönente waa goe, ante godö ædæmö apæ̈necantapa.

Itota Codito ingantedö ante Wäö nänö watapæ̈ ante yewæ̈mongainta 4:53

Ayæ̈ wëñængä mæmpo, Bitö wëñængä quëwencæcäimpa, ante Itota botö ïmote nänö änïñedë adoyedë botö wëñængä do waa bacantapa, ante wædinque tömengä tönö tömengä näni quëwencabo tömancabo Itota ingante wede pönënäni bagadänimpa.

Näni Cægaïnö 14:9

A ongöñongä Pabodo ponte apæ̈necä ëñëe congantapa. Pabodo wææ̈mö adinque önöwënenque pönëninque, Ïingä nänö waa bawaquinque në pönengä ingampa, ante do pönente wædinque,

Näni Cægaïnö 16:18

Äninque tæ̈önæ ïñonte tömengä tömënäni ïnänite tee empote godinque Yæ yæ änewengä ëñente wædinque Pabodo, Ancaa ëñente awædö, ante dadi ëmænte wënæ ingante äninque, —Bitö ïmite botö Itota Codito ëmöwo apæ̈nedinque, Tao gobäwe, ämopa. Ante tæcæ apæ̈neyongä wënæ incæ baquecä ingante ëmö cæte tao gocantapa.

Ebedeoidi 4:2

Edæ dodäni ïnänite Wængonguï ingantedö ante watapæ̈ näni apæ̈negaïnö baï mönö ïmonte adobaï ante watapæ̈ apæ̈nedäni ëñëmompa. Incæte dodäni guiquënë önömoncaque ëñëninque wede pönënäni beyænque guëmänämaï inte wægadänimpa.