Mäateo 15:5 - Waorani

⁵ Mïnitö guiquënë ïïmaï änewëninque edæ wææ cæmïnipa. Waocä mæmpocä ingante waa cæquënengä ïñongante wäänä ïnante adobaï waa cæquënengä ïñongante mïnitö wæætë wææ äninque, Waocä wæmpocä ingante wäänä ïnante ïïmaïnö ante apæ̈necæcäimpa, änewëmïnipa. Wæætë edæ “Mæmpo, bitö quï, ante, Badä, mïnö quï, ante botö pönömo mïna ænguënënö incæ ñöwo wæætë edæ, Wængonguï quï, ante do edæ godonte impa.”

Mäateo 15:5 ပူးပေါင်းရင်းမြစ်များ

Mäateo 15:4

Wængonguï, “Bitö wæmpo ingante bitö badä ïnante waadedinque waa cæe,” angacäimpa. Ayæ̈, “Wæmpocä ingante wäänä ïnante në pïinte wïwa angä ingante wæ̈nömïni wæncæcäimpa,” ante wææ angacäimpa.

Mäateo 15:6

Ante apæ̈nedinque waocä wæmpoda ïnate wïï godonguënengä ingampa, ante mïnitö ïñömö edæ wææ änewëmïni awædö. Ïñæmpa mänömaïnö ante wææ änewëninque mïnitö edæ dodäni näni angaïnonque ante cæcæte ante cædinque Wængonguï nänö wææ angaïnö ante edæ, Önöneque impa, ante baï cæmïnipa töö.

Näni Cægaïnö 4:19

Ante äñönänite Pegodo tönö Wäö wæætë, —Ïñæmpa æcänö ingante ëñente cæquïmöna, ante pönëmïnii. Mïnitö änö ëñëninque wæætë Wængonguï nänö änö ëñënämaï inte cæmöna adinque Wængonguï edæ, Nö cæmïna abopa, anguingää.

Näni Cægaïnö 5:29

Ante në ñæ̈nængä pïïñongä Pegodoidi wæætë, —Mönitö guiquënë waomïni ïmïnite ëñënämaï inte Wængonguï ingante ëñente cæquënëmöni ïmönipa.