Mäateo 1:5 - Waorani

⁵ Ayæ̈ wææ̈ Tädämöö wodi pæte Adacaba ingante möninque Boodo ingante tapæ̈igacäimpa. Ayæ̈ wææ̈ Boodo wodi pæte Odoto ingante monte Obedo ingante tapæ̈igacäimpa. Ayæ̈ wææ̈ Obedo wodi wengä Yæte ëñagacäimpa.

Mäateo 1:5 ပူးပေါင်းရင်းမြစ်များ

Mäateo 1:4

Ayæ̈ wææ̈ Adäma wodi wengä Ämïnadabo ëñagacäimpa. Ayæ̈ wææ̈ Ämïnadabo wodi wengä Näatöö ëñagacäimpa. Ayæ̈ wææ̈ Näatöö wodi wengä Tädämöö ëñagacäimpa.

Mäateo 1:6

Ayæ̈ wææ̈ Yæte wodi wengä Dabii ëñate pædinque awënë odeye bagacäimpa. Ayæ̈ wææ̈ Dabii wodi pæte Odiya wodi nänöogængä ïningä ingante möninque Tadömöö ingante tapæ̈igacäimpa.

Odoca 3:32

Näatäni wodi mæmpo wææ̈ Awënë Dabii, Awënë Dabii wodi mæmpo wææ̈ Yæte, Yæte wodi mæmpo wææ̈ Obedo, Obedo wodi mæmpo wææ̈ Boodo, Boodo wodi mæmpo wææ̈ Täna, Täna wodi mæmpo wææ̈ Näatöö ingacäimpa.

Ebedeoidi 11:31

Onquiyængä Adacaba ïñömö mäincoo beyæ̈ ante në towente në quëwengä ïnongä incæte tömengä wede nänö pönënö beyænque ïïmaï cæte mïingä quëwengacäimpa. Idægoda mënaa, Eedicoo ïñömö æbänö quëwënänii, ante acæte ante awëmö pö guiida adinque Adacaba wodi, Ee pöeda, angä beyænque idægoidi wæætë ëñënämaï ïnäni ïnänite wæ̈nöninque tömengä ingante ata cæpodäni quëwengacäimpa.

Tantiago 2:25

Idægoidi, Ömæ awëmö ate pöeda, ante mënaa ïnate da godönäni gote pöñönate Adacaba wodi në towente quëwengä incæ, Botö oncönë guiieda, ante tömëna ïnate wë wodongacäimpa. Ayæ̈, Wadäni tömëna ïnate bæi ongönämaï incædänimpa, ante, Wadö taadö goeda, ante da godongä gogadaimpa. Mänömaï cæcä adinque Wængonguï, Bitö cædïnö beyænque bitö botö ayömo nö cæte entawëmi ïmipa, ante Adacaba ingante adobaïnö ante pönö angacäimpa.