Mäadoco 9:22 - Waorani

²² Quëwëñongante wëñængä ingante wantæ wantæ ïñö wantæ wantæ ïñö, Gongapamö guitodömo gonte wæncæcäimpa, ante wënæ incæ cæcä. Ayæ̈, Æpæ̈në adobaï guitodömo becadote wæncæcäimpa, ante cæcampa cæbii. Näwangä tæ̈ï pïñæ̈mi ïninque bitö mönatö wæwënö ante pönente cæbaïmipa.

Mäadoco 9:22 ပူးပေါင်းရင်းမြစ်များ

Mäateo 14:31

Ante wæcä adinque Itota tömengä ingante edæ quingæ̈ pædæ gopo töö æ̈mæ̈ninque, —Ïñæmpa botonque ïñömote pönëninque pöe, antabopa. Quïnante wapiticæ̈ edæ pönëmitapa, angantapa.

Mäateo 17:15

—Awënë ëñëmi. Botö wengä onguïñængä ingante waadete waa cæe ämopa. Tömengä ïñömö edæ ancaa quidi quidi dowænte wæwëninque wantæ wantæ ïñö gongapamö tæ̈ wææ̈ tæ̈ wææ̈ cæcampa. Ayæ̈ æpæ̈në tæi guii tæi guii cæcampa.

Mäateo 20:34

Äñöna Itota tömëna godongämæ̈ wæte baï pönëninque edæ pædæ gopo gampomongantapa. Gampomongä ate tömëna waa ada badinque Itota mïñæ̈ do godatapa.

Mäateo 8:2

Tömengä mïñæ̈ tee empote wææ̈ goyönäni wacä baate ëñawengä ïnongä inte eyepæ̈ pö bee tëninque Itota önöwa gäänë ædæ wææ̈ninque apæ̈necantapa. —Awënë, Bitö Ao ämi inte wadæ caabi ïninque botö waintai baabaïmopa.

Mäateo 9:28

Aa peyöna tömengä edæ oncönë go guiicä adinque adoyömö pö guiidatapa. Guiida adinque Itota tömëna ïnate, —Mïna änö ante nö waa cæquïmo, ante pönëmïna. Äñongante, —Ao. Awënë, bitö änö baï cæcæbiimpa, ante pönëmönapa.

Mäadoco 5:19

Äñongante Baa äninque Itota, —Tömëmi oncönë gote, Wængonguï Awënë wënæidi ïnänite wido cæcä önömoque baboï amïnipa, ante bitö guiidënäni ïnänite mäo apæ̈nebi ëñencædänimpa. Ayæ̈, Botö wæwente quëwëñömote tömengä guëa wæwente baï pönente pönö cæcä waa batabopa, ante apæ̈nebi ëñencædänimpa.

Mäadoco 9:21

Adinque wæmpocä ingante Itota, —Æyedënö mänömaï bacäï. Äñongante, —Wëñængäñedë do badingä inte quëwengampa.

Mäadoco 9:23

Äñongante, —Bitö guiquënë wabänö wede pönëmi ïmitawoo. Edæ wede pönëñongante edæ waocä beyæ̈ tömää do cæte impa.

Odoca 7:13

Wäänä ingante adinque Itota tömengä tönö guëa wæwente baï pönëninque, —Wædämaï ïe.