Mäadoco 7:30 - Waorani

³⁰ Angä ëñëninque oncönë go guiite ayongä tömengä wëñængä önonganque bate möïmoga ongongä agacäimpa.

Mäadoco 7:30 ပူးပေါင်းရင်းမြစ်များ

Mäadoco 7:29

Ante apæ̈neyongä Itota, —Bitö nö apæ̈nedïmi inte waa gocæbiimpa. Wënæ bitö wëñængä nänö wædö incæ dobæ edæ ëmö cæte wadæ gotimpa.

Mäadoco 7:31

Mänïï Tido gote quëwëninque Itota wadæ godinque Tidöö wodo pænta gocanque go Gadideapæ̈ wedeca poncæ cædinque Decapodibæ yaatænque pongantapa.

1 Wäö 3:8

Në wënæ wënæ cæcä guiquënë wënæ pæ̈ingä baï inte adocä nempo quëwengampa. Edæ wëënëñedë wënæ awënë nänö wënæ wënæ cægaï baï cöwë wënæ wënæ cæcampa. Mänömaï beyæ̈ Wængonguï Wengä ïñömö wënæ awënë nänö wënæ wënæ cægaïnö ante wo ëwencæte ante inguipoga ponte ëñagacäimpa.