Mäadoco 15:2 - Waorani

² Pidato guiquënë tömengä ingante, —Oodeoidi Awënë Odeyebi bitö ïmitawoo. Äñongante, —Bitö tömëmi änö baï botö mänïmodö ïmopa, ante Itota angantapa.

Mäadoco 15:2 ပူးပေါင်းရင်းမြစ်များ

Mäateo 2:2

Ponte äninque, —Oodeo Awënë Odeye ïñömö ñöwocä ëñadingä ïñömö æyömönö owocää, ante ëñencæte ante wæmönipa. Edæ nænque tamönö quëwëñömöni Awënë nëmö ta ñongæ̈ adinque mönitö tömengä weca ædæ wææ̈ninque edæ, Bitö Wængonguï ïmidö anguënë, ante watapæ̈ apæ̈necæ pömöni ïmönipa, änänitapa.

Mäadoco 15:12

Ëñëninque Pidato godö äninque, —Ïninque oodeoidi Awënë Odeye mïni änongä ingante æbänö cæquïmoo, ante ämïnii.

Mäadoco 15:18

Ayæ̈ Yæ yæ äninque, —Badogaa, bitö oodeo awënë odeyebi ïmipæ̈æ̈.

Mäadoco 15:26

Ayæ̈, Itota wæncæcäimpa, ante quïnante apænte änänii, ante tömänäni ponte adinque ëñencædänimpa, ante yewæ̈möninque, “Oodeoidi Awënë Odeye ïnongä ingampa,” ante yewæ̈möninque awæmpaa wo cædänitapa.

Mäadoco 15:3

Wængonguï quï, ante në godönäni ñæ̈næ̈näni guiquënë, Ïingä Itota ïñömö wënæ wënæ cæcampa, ante wadö wadö ante pïïninque Pidato ingante ancaa änänitapa.

Mäadoco 15:9

Änäni ëñëninque Pidato ïñömö, —Oodeoidi Awënë Odeye ingante pönö ñimpo cæbo abæ tawængä ænguïmïnii. Æbänö cæbo ænguïmïnii.

1 Tïmoteo 6:13

Wængonguï pönö cæcä beyænque quingämenque incæ tömänäni quëwënäni ïnänipa. Itota Codito ïñömö Pontio Pidato ingante apæ̈nedinque, Quïnö nö impa, ante edonque pönï apæ̈negaingä ingampa. Edæ Wængonguï tönö Itota Codito mänömaïnö ingaïna ïñöna botö tömëna ayöna bitö ïmite, Ïïmaï cæe, ämopa.