Mäadoco 11:1 - Waorani

¹ Mänïï gote Eedotadëë obo pöninque Odibowænquidi näni anquidi ontacamö goïnö Betapaguee näni quëwëñömö ganca ayæ̈ Betänia näni quëwëñömö ganca pöñönäni Itota tömengä mïñæ̈ në goda ïnate mënaa ïnate da godöninque angantapa.

Mäadoco 11:1 ပူးပေါင်းရင်းမြစ်များ

Mäateo 21:17

Äninque Itota edæ tömënäni ïnänite ëmö cæte wadæ godinque Betänia näni quëwëñömö gote mongacäimpa.

Mäateo 24:3

Mänïï taodinque Odibowænquidi pö æite tæ̈ contate ongöñongä tömengä mïñæ̈ në godäni adodänique tömengä weca ponte apæ̈nedänitapa. —Bitö änö ante æyedënö ïinque baquïï, ante ëñencæte ante wæmönipa. Edæ bitö ponque æyedënö ponguïmii, ante ayæ̈ mönö inguipoga quëwënö æyedënö æ̈mæ̈wo ïinque baquïï, ante ëñencæte ante wæmönipa. Ïninque, Æbänö mä odömonte baï ba adinque edæ, Oo pönï impa, ante wædinque ëñenguïmönii, ante ëñencæte ante wæmönipa.

Mäateo 26:30

Ayæ̈ Wængonguï ingante ämotamïni ante tao godinque Odibowænquidi godänitapa.

Mäadoco 11:2

Ïïmaï angantapa. —Mänïï näni quëwëñömö ongö amïna. Tömëñömö go guiite ayömïna bodo wë picængä incæ waocä ingante mongæ̈nämaï ïningä inte ñäni ñæ̈ingä a ongongä acæmïnaimpa. Adinque ñï cæyænte ænte pöeda.

Mäadoco 13:3

Mänïï taodinque Odibowænquidi go æidinque tömënäni Wængonguï oncö ñæ̈næncö gomö näni ayömö tæ̈ contayongä Pegodo tönö Tantiago, Wäö tönö Æntade mänimpodäni Itota ingante awëmö änänitapa.

Mäadoco 14:13

Änäni ëñëninque Itota tömengä nänö në ëmïñæ̈na mënaa ïnate da godöninque, —Mänïï nanguï näni quëwëñömö gote taadö goyömïnate onguïñængä incæ cadabodë æpæ̈ iyænte næ̈ænte pö bee tengä adinque mïnatö tömengä mïñæ̈ tee empote goeda.

Mäadoco 6:7

Ayæ̈, Dote ïnäni, näni änönäni ïnänite aa pecä pönäni ïninque, Ñöwo mïnitö æ̈mæ̈nö mëmïnaa æ̈mæ̈nö mëmïnaa goyömïnite botö pönö cæbo ate mïnitö awënëidi baï badinque edæ wënæidi wentamö ëwocadäni ïnänite në ämïni incæmïnimpa, ante da godongä godänitapa.

Itota Codito ingantedö ante Wäö nänö watapæ̈ ante yewæ̈mongainta 8:1

Itota guiquënë Odibowænquidi näni anquidi gocantapa.

Näni Cægaïnö 1:12

Oodeoidi näni guëmanguïönæ cöwë näni goganca mäningancaque ï ïninque wïï gobæ ï ïninque tömënäni Odibowænquidi näni anquidi ongöninque ocæ̈ ëmænte wææ̈ Eedotadëë pönänitapa.