Itota Codito ingantedö ante Wäö nänö watapæ̈ ante yewæ̈mongainta 13:24 - Waorani

²⁴ Timönö Pegodo ïñömö ïingä ingante ömö ömö cædinque angampa. Bitö Itota ingante, Æcänö ingää, ante ämi angä ëñente ate apæ̈nebi ëñëmönie.

Itota Codito ingantedö ante Wäö nänö watapæ̈ ante yewæ̈mongainta 13:24 ပူးပေါင်းရင်းမြစ်များ

Odoca 1:22

Tömengä tadinque tededämaï ingantapa. Ayæ̈ godömenque tededämaï inte önompoque oo cæpo oo cæpo cæcä adinque tömënäni, Wængonguï tæiyæ̈ waëmö oncönë guiite ongöninque Tacadiya wïïmonte baï mä pönï adingä inte ñöwo edæ babetadecä inte tacampa, ante wædänitapa.

Odoca 5:7

Ïninque Tïmönöidi wa wipodë ongönäni ponte godongämæ̈ æncædänimpa, ante ömö cædäni adinque wa wipo ænte pönäni ate gæyæ mëa wipodë eyede pönï ñönönäni ate wipo ëmä guiicæ cætimpa.

Itota Codito ingantedö ante Wäö nänö watapæ̈ ante yewæ̈mongainta 13:23

Itota ëmïñæ̈näni adocanque ïñömö Itota nänö në waadete pönengaingä ïnongäimpa. Tömengä ïñömö Itota tönö ääñömonque tæ̈ contate ongönaimpa.

Itota Codito ingantedö ante Wäö nänö watapæ̈ ante yewæ̈mongainta 13:25

Angä ëñëninque mäningä Itota tönö ääñömonque në tæ̈ contacä ïñömö, —Awënë, æcänö ingää, ante apæ̈nebi ëñëmönie, ante tömengä ingante äñongä.

Näni Cægaïnö 12:17

Tömengä wæætë, Apocæ̈në ïedäni, ante önompocaque compo cæcä adinque pæ wëëneyönäni tömënäni ïnänite apæ̈necantapa. Botö tee mönete wæyömote Wængonguï æbänö pönö cæcä ate tate pömoo, ante tömänö ante adodö ante apæ̈nedinque, —Botö apæ̈nebo mïni ëñënö ante mïnitö wæætë wacä Tantiago ingante apæ̈nedinque wadäni mönö tönïñadäni ïnänite apæ̈nemïni ëñencædänimpa. Äninque Pegodo wayömö wadæ gocantapa.

Näni Cægaïnö 13:16

Änäni ëñente mäo angä ëñëninque Pabodo ïñömö ængæ̈ gantidinque önompoca compo compo cædinque tömënäni ïnänite apæ̈necantapa. —Mïnitö, pancamïniya idægoidi ïñömïnite pancamïniya wamïni incæ, Näwä Wængonguï ïnongä ingampa, ante në guïñente wæmïni ïñömïnite botö tömämïni ïmïnite apæ̈nebo ëñëedäni.

Näni Cægaïnö 21:40

Äñongante Ao angä ate tëwaimpaa adiyæ̈ gongæ̈ninque godongämæ̈ ongönäni ïnänite Pabodo, Apocæ̈në ïedäni, ante baï cædinque compo compo cæcä. Adinque tededämaï ongönäni ate tömengä ebedeoidi näni tededö tededinque ïïmaï ante apæ̈necä ëñënänitapa.