Itota Codito ingantedö ante Wäö nänö watapæ̈ ante yewæ̈mongainta 10:21 - Waorani

²¹ Äñönäni oodeoidi incæ wadäni guiquënë, —Tömengä wënæ tönö cæcä inte baï tömengä ïïmaï nänö änïnö ante wïï angä incædongäimpa. Në wënæ inte quëwente cæcä ïñömö babetamönäni awinca wi æ̈monte baï cæcä waa bamönäniyaa.

Itota Codito ingantedö ante Wäö nänö watapæ̈ ante yewæ̈mongainta 10:21 ပူးပေါင်းရင်းမြစ်များ

Mäateo 11:5

Botö godö cæbo ate babetamö ïnïnäni incæ waa bamonte adäni amïnapa. Cömante ïnïnäni incæ waa bate dao dao godäni amïnapa. Baate ïnïnäni incæ æ̈montai waëmontai baadäni amïnapa. Babetamonca ïnäni ïñönänite botö godö cæmömo ate önömonca waa bamoncate ëñënäni amïnapa. Do æ̈mæ̈wo wænte öñönäni ïñönänite botö godö cæbo ate ñäni ömæ̈mönäni amïnapa. Ömaadäni inte wæyönänite botö Wængonguï waa pönï nänö pönö cægaïnö ante apæ̈nebo ëñente todäni amïnapa.

Mäateo 4:24

Adinque, Itota mänömaï cæcampa, ante Tidiabæ tömämæ gode änäni ëñëninque waodäni pöninque në wënæ wënæ inte wæwënäni ïnänite tömengä weca ænte pönänitapa. Ayæ̈ nantate wæwënäni tönö wënæ inte quëwënäni ïnänite ænte pöninque dowænte ïnäni tönö cömäïnäni ïnänite tömengä weca ænte pönäni adinque tömengä godö cæcä ate në wënæ wënæ ïnïnäni inte tömänäni waa bagadänimpa.

Itota Codito ingantedö ante Wäö nänö watapæ̈ ante yewæ̈mongainta 10:22

Yoguite tedæ̈ ïñonte waodäni Eedotadëë quëwënäni, Wængonguï oncö tæiyæ̈ waëmö oncö ante dodäni mæ̈nongadänimpa, ante pönente æ̈æ̈mæ̈ cæyönäni.

Itota Codito ingantedö ante Wäö nänö watapæ̈ ante yewæ̈mongainta 9:6

Mänïnö ante äninque Itota onguipoga towæ tänöninque wëä wëä gopodinque aquïmæ̈ bayonte æ̈ninque babetamongä awinca öni öni pæmongantapa.