Ebedeoidi 8:9 - Waorani

⁹ Mæ̈mæ̈idi doyedë Equitobæ quëwëñönänite botö töö æ̈mænte ænte poncæte ante cædinque, tömënäni ïnänite, Mönö godongämæ̈ waa cæcæ̈impa, äñömote tömënäni wæætë pango cæte gogadänimpa. Pango cæte godäni ate botö wæætë dadi ëmæ̈monte tömënäni ïnänite adämaï ingaboimpa. Mänömaï beyæ̈ botö wëënëñedë botö angaïnö baï ñöwo wæætë adobaïnö ante änämaï incæboimpa, ante botö në Awënëmo ïnömo inte ämopa.

Ebedeoidi 8:9 ပူးပေါင်းရင်းမြစ်များ

Mäadoco 8:23

Änäni ëñëninque Itota babetamongä önompo bæi ongonte töö æ̈mænte tömënäni quëwëñömö tao yabæque ænte mäocä gocantapa. Ayæ̈ godö towæ tänömonte gampo cæmöninque, Pancaa tæcæ abi edæ, angantapa.

Näni Cægaïnö 13:11

Ñöwo ïñömö Wængonguï Awënë në pïñængä ïnongä inte bitö ïmite pancæcäimpa. Tömengä pönö gampomongä ate bitö babetamömi badinque nænque ñäö tamönö wantæpiyæ̈ tömengä nänö änimpoga adämaï incæbiimpa. Äñongä boguïmä baï do wææ̈ ïninque wëmö ëmöninque Edïma Baditota näni änongä gampo gampo cædinque, Æcänö botö ïmote töö æ̈mænte mäoda goquïmoo, ante diqui diqui mingantapa.

Näni Cægaïnö 7:36

Möitee ïñömö, Ate pönencædänimpa, ante mä cædinque ayæ̈ Wængonguï tönö bamönengæ̈ nanguï cædinque idægoidi ïnänite ænte mäocä gogadänimpa. Equitobæ ëmö cæte wadæ pöninque gäwapæntibæ Opatawæ̈mæ̈ yæwedecapæ̈ pö ongöninque adocä Möitee mantacä ïmæ̈mäa pongadänimpa. Önömæca ta pöninque coadenta wadepo ganca cægöñönäni tömengä, Ate pönencædänimpa, ante mä cædinque bamönengæ̈ nanguï cægacäimpa,” ante Etebä wodi apæ̈necantapa.

Näni Cægaïnö 9:8

Taodo ïñömö onguipoga ayæ̈ a öñongä inte ængæ̈ gantidinque awinca adämaï ingä adinque wadäni tömengä ingante önompo bæi ongöninque Daämaco ganca ænte mäodäni gocantapa.

Gadataidi 4:24

Wængonguï ïñömö, Botö pönö cæbo ate mïnitö Ao ämïni ïninque mönö godongämæ̈ waa cæcæ̈impa, ante mempoga apæ̈negacäimpa. Ïninque, Wængonguï mënea nänö apæ̈negaïnö æbänö ïneï, ante ëñencæte ante mönö mänïna onquiyæ̈na ïnate adinque pönengæ̈impa. Wængonguï ïñömö adopoque apæ̈necæte ante Tïnaiquidi wæænte ongöninque wææ angacäimpa. Mänïneque tömengä nänö wææ angaïneque ante në ëñente cædäni ïñömö Agada wodi wënäni mänïne beyænque në cæte quëwënäni baï näni baquinque ëñadänipa.