Ebedeoidi 7:21 - Waorani

²¹ Codito ingante guiquënë Wængonguï ïïmaï ante apæ̈negacäimpa. “Bitö ñimpo cædämaï inte, Wængonguï quï, ante në Pönömi cöwë incæbiimpa. Ante botö në Tæiyæ̈ Awënë ïnömo inte nöingä äninque ïincayæ̈ ate wadö ante cöwë änämaï incæboimpa.”

Ebedeoidi 7:21 ပူးပေါင်းရင်းမြစ်များ

Odömänoidi 11:29

Edæ waomö ïmonte quincoomë pönongä æ̈ñömonte Wængonguï adodö ö æ̈nämaï ingampa. Ayæ̈ adobaï waomö ïmonte aa pedinque tömengä wadö ante änämaï inte edæ adodö ante edæ cöwë aa pecampa.

Ebedeoidi 5:6

Angacäimpa. Ayæ̈ godömenque Wængonguï nänö angaïnö ante wataa yewæ̈mongatimpa. “Wængonguï quï, ante në pönongä Mëequitedeco nänö cöwë ingaï baï, bitö adobaï ñimpo cædämaï inte në Pönömi cöwë incæbiimpa,” ante Codito ingante angacäimpa.

Ebedeoidi 7:17

Edæ tömengä ingante apæ̈nedinque Wængonguï, “Mëequitedeco, Wængonguï quï, ante në pönongä cöwë nänö ingaï baï, bitö adobaï ñimpo cædämaï inte në Pönömi cöwë incæbiimpa,” ante apæ̈negacäimpa.

Ebedeoidi 7:20

Wængonguï wïï önonque angacäimpa. Wæætë tömengä nämä ëmöwo apæ̈nedinque, Botö Wængonguïmo në Quëwënömo inte näwangä ämopa, äninque Codito ingante angä ate tömengä wæætë, Wængonguï quï, ante në Godongä bagacäimpa. Wæætë wadäni ïnänite guiquënë tömengä wïï nämä ëmöwo apæ̈nedinque, Näwangä ämopa, ante änämaï ingä incæte tömënäni önonque, Wængonguï quï, ante në godönäni bagadänimpa.

Ebedeoidi 7:23

Mänïnäni guiquënë në ñömæ̈intai ëñagaïnäni inte ædö cæte ñimpo cædämaï inte Wængonguï ingante në godönäni cöwë inguïnänii. Ïninque wïï adocanque në godongä ingacäimpa. Wacä wacä në godönäni bagadänimpa.

Ebedeoidi 7:28

Möitee wodi nänö wææ angaïnö ante ëñente cædinque waodäni aquïï ïnäni näni cabo ïñönänite pancadäniya ïnänite änäni Wængonguï ingante në godönäni ñæ̈næ̈näni do badänipa. Wængonguï guiquënë ïincayæ̈ ate nämä ëmöwo apæ̈nedinque, Botö Wengä ædæmö Picængä në ëñengä bagaingä ingante ämo ate tömengä në Pönongä Ñæ̈nængä bacæcäimpa. Botö Wængonguïmo në Quëwënömo inte näwangä ämopa, angacäimpa.