Ebedeoidi 1:12 - Waorani

¹² waocä yacooque æ̈ninque topo cæcä baï cædinque bitö wæætë bitö badongaincoo ænte topo cæte baï cæcæbiimpa. Wæætë mïincoo wëñacä baï cædinque bitö wæætë tömancoo mïincoo badömi ongongæ̈impa. Bitö ïñömö do bitö ingaï baï adobaï cöwë inguïmi ïmipa. Bitö quëwenguïmämo cöwë inguïnö anguënë.”

Ebedeoidi 1:12 ပူးပေါင်းရင်းမြစ်များ

Itota Codito ingantedö ante Wäö nänö watapæ̈ ante yewæ̈mongainta 8:58

Ante pïïñönäni Itota wæætë, —Mïnitö ïmïnite näwangä ämopa. Abadäö wodi ayæ̈ ëñadämaï ïñedë botö ïñömö edæ do quëwëmo ingaïmo ïmopa, ante apæ̈necantapa.

Ebedeoidi 13:8

Itota Codito ïñömö wëënëñedë nänö ingaï baï ingä ñöwoönæ adobaï ingä inte tömengä adocä ïincayæ̈ ate cöwë adobaï incæcäimpa.

Tantiago 1:17

Önonque mönö æ̈nö ante mönö waëmö ñäö ëmönoncoo tömancoo incæ mönö Mæmpo Wængonguï öönædë owote në pönönongä ingampa. Mæmpo Wængonguï öönædë owodinque apäidäni ïnäni badongacäimpa. Adocä nænque wëmö cæbaï wayömö wayömö go baï entawënämaingä ingampa. Tömengä wæætë adodonque ingaingä ingampa.