1 Wäö 2:4 - Waorani

⁴ Waocä ïñömö, Wængonguï ingaingä ingante ate baï pönëmo ïmopa, ante në angä incæte tömengä Wængonguï nänö, Ïïmaï cæedäni, ante wææ nänö angaïnö ante ëñënämaï cæcä ïninque mäningä në babæ änongä ingampa. Ayæ̈ Wængonguï nöingä nänö angaïnö ante ëwocadämaï quëwengampa töö.

1 Wäö 2:4 ပူးပေါင်းရင်းမြစ်များ

Itota Codito ingantedö ante Wäö nänö watapæ̈ ante yewæ̈mongainta 8:44

Wënæ ïñömö mïnitö mæmpo ïnongäimpa. Ayæ̈ mïnitö mæmpo nänö cæïnëwënö ante mïnitö adodö ante, Mönitö cæïnëmönipa, ante cæmïnipa. Wëënëñedë inguipoga mä badöñedë tömengä, Botö wæ̈nonguïmo, ante do entawengä ingacäimpa. Tömengä, Quïnö näwangä impa, ante cöwë änämaï ingampa. Ayæ̈ edæ, Quïnö änö nöïnö impa, ante tömengä entawënämaï ïnongäimpa. Adocä babæ tededinque tömengä babæ nänö entawënonque ante tedewengä ingampa. Edæ tömengä në babæ änongä ingampa. Ayæ̈ tömengä ïñömö mä babæ angaingä ingampa.

Tito 1:10

Edæ në odömonte apæ̈nedäni ïnänite, Mönitö ëñënämaï cæïnëmönipa, ante në änäni tæiyæ̈näni ïnänipa. Tömënäni ïñömö önonquedö ante tedewënönäni inte, Wadäni oda cæcædänimpa, ante në cædönäni ïnänipa töö. Pancadäniya, Mönö ëö togænte quëwengæ̈impa, ante në pönënäni näni cæcabo ïñömö godömenque nanguï pönï mänömaï babæ cæte quëwënänipa.

Tito 1:16

Ïïnäni ïñömö Wængonguï ingante, ate baï pönëmöni ïmönipa, ante änäni incæte tömënäni cædö beyænque, Ïïnäni Wængonguï ingante në Baa änäni ïnänipa, ante edonque pönï bapa. Mänïnäni Wængonguï ingante ëñënämaï cædönäni inte edæ mönö waa cæquënënö ante ædö cæte cæquïnänii. Ïninque tömënäni mönö në baacä baï ïnönäni ïnänipa.

1 Wäö 1:10

Mönö, Botö cöwë wënæ wënæ cædämaï ingaïmo ïmopa, ante ämö ïninque Wængonguï ingantedö ante, Babæ änongä ingänö, ante ämaïmompa. Ayæ̈ mänömaï ämö ïninque tömengä nänö angaïnö ëwocadämaï quëwëmaïmompa töö.

1 Wäö 1:6

Wentamö ïñömö në cægömö ïninque mönö, Tömengä tönö godongämæ̈ cæmönipa, ante ämö ïninque mönö edæ në babæ ämö ïmaïmompa töö. Ayæ̈ mänömaï cæmö ïninque mönö, Quïnö nöingä impa, ante cædämaï ïmaïmompa.

1 Wäö 1:8

Mönö, Botö wënæ wënæ cæpämo dæ ampa, ante ämö ïninque mönö nämä incæ oda cæte wapiticæ̈ go baï cæbaïmompa. Ayæ̈ mänömaï äninque mönö, Quïnö nöingä ï, ante ëwocadämaï quëwëmaïmompa töö.

1 Wäö 2:3

Mönö Wængonguï ingaingä ingante ate baï pönëmöö, ante æbänö cæte ëñenguïï. Edæ, Ïïmaï cæedäni, ante Wængonguï nänö wææ angaïnö ante ëñente cæmö ïninque mönö edæ, Wængonguï ingante ate baï në pönëmö ïmompa, ante do ædæmö ëñëmaïmompa.

1 Wäö 2:9

Botö ñäö ïñömö quëwëmo ïmopa, ante në angä incæte tömengä nänö tönïñacä ingante në pïingä ingä ïninque tömengä wëmö ïñömö ayæ̈ quëwengampa.

1 Wäö 3:6

Ayæ̈ edæ tömengä nempo në quëwënönäni tömänäni wïï godömenque wënæ wënæ cædäni ïnänipa. Godömenque në wënæ wënæ cædönäni guiquënë tömengä ingante adämaï ïnönäni inte pönënämaï ïnïnäni ïnänipa töö.

1 Wäö 4:20

Botö Wængonguï ingante në waadete pönëmo ïmopa, ante në angä ïñömö tömengä wæætë tömengä tönïñacä ingante në pïinte ingä ïninque tömengä babæ änewënongä ingampa. Edæ mäningä nänö tönïñacä ingante në adingä incæ tömengä ingante waadete pönënämaï ingä incæte adocä Wængonguï ingante në adämaï ïningä incæ ædö cæte tömengä ingante waadete pönenguingää.

1 Wäö 4:7

Botö në waademïni ëñëedäni. Mönö wacä ingä wacä ingä waadete pönengæ̈impa. Edæ mönö waadete pönënö incæ Wængonguï nänö da pönongaïnö impa. Tömänäni, Në waadete pönënäni ïñömö Wængonguï wëñæ̈näni näni mempoga ëñagaincabo ïnönäni inte Wængonguï ingaingä ingante ate baï pönënänipa.