Madius 8:11 - Intas-Etipup Mat u Iesu Kristo 1863 (Aneityum Gospels)

¹¹ Ek asaig ehelemia ainyak mika, Erupu ahes an ridjai o un natimi inyi ahinag, im lep an nete o un, um han ateuc ehele Ebraham, im Aisak, im Jekob, an nelcau an nohatag:

Madius 8:11 ပူးပေါင်းရင်းမြစ်များ

Madius 21:41

Eris um ika ehelen ara, Etpu idim auahas ilpu atimi auatatimi iji ehki aien, um atceijaig nekaro vaine o un imi ilpu atimi ahapol inyi achei, va erupu alupai yin nohoai itai an naopan noho o un ara.

Madius 24:31

Etpu abrai ilpu agelo o un aien, mika eri ahlai intoho esjilid ara, um asjapicnaig ilpu atimi ehtai ra o un irai iji uarin asega, ahes an nahaijin nohatag um yetpan an nahaijin.

Madius 3:2

um ika, Akumu adumoij anliinmopomia aijaua: et mun ubutpotet nelcau an nohatag.

Madius 8:10

Is wat atahaijeg a Iesu is um imyiali aien, um ika ehele ilpu atimi apitac yin, Et inivaijec ineig ek asaig ehelemia ainyak mika, kis eti ecetai tah nimyiisjis ninivaijec esjilid ainyak, et idivaig ineig, an pece Isreel asega.

Lukas 12:37

era mun ahesmoij a ilpu aheca iji eigki, et wat han ehele ra natimi alupas ura, um ecet ra naitgai yin vaig: et inivaijec ineig ek asaig ehelemia ainyak mika, etpu arore nijihgan aien an nitai ahid, um ika ehele ra eri ateucse ara um hag, etpu han aien um aheca ura:

Lukas 16:22

Is um mas nihki natimi iyehki, eris apos pan yin a ilpu agelo, um ati yin an riti Ebraham: is um lep mas natimi ikni itai iyehki, eris um atelmoi yin;