Madius 7:21 - Intas-Etipup Mat u Iesu Kristo 1863 (Aneityum Gospels)

²¹ Eri ti apan an nelcau an nohatag natimi asega erupu ika ehelek ara, Ak Natimarid, ak Natimarid; ja aien ache et imyiaiji intas o Etmak an nohatag aien.

Madius 7:21 ပူးပေါင်းရင်းမြစ်များ

Madius 12:50

aien et imyiaiji intas o Etmak an nohatag aien, et etoak aien, um atahaig irak, um risik.

Madius 16:17

Is tas a Iesu, um ika ehelen, Na mun ahesmoij aiek, ak Saimona, inhal o Jona: eris eti asuptecnaig ehelum natimi, jai Etmak an nohatag:

Madius 18:10

Akumu jim amcel vaig tah natimi upoupo iji eigki aijaua; ek asaig ehelemia ainyak mika, Era almoi nesganimtai Etmak an nohatag a ilpu agelo ura irai iji adiat an nohatag.

Madius 18:19

Im lep ineig, ek asaig ehelemia ainyak mika, El et tup ethi ache inliinmopoi natimi inyi ero iramia an nobohtan vaig tah nitai erupu ugni arau, etpu alupai rau a Etmak an nohatag.

Madius 18:3

um ika, Et inivaijec ineig ek asaig ehelemia ainyak mika, El eka eti ahidai caua aijaua, um idivaig ilpu halav, aki ti apan aijaua an nelcau an nohatag:

Madius 18:35

Etpu ucco nedo o Etmak an nohatag vai caua, el et eti eropse inliinmopomia aijaua va nedo has o ilpu etoamia vai caua.

Madius 19:24

Ek lep asaig ehelemia ainyak mika, Et tup upene vai kamela namiliekvaig an hed an nitel, jam ehka vai natimi ikni itai napanvaig an nelcau o Atua.

Madius 25:10

Eris wat apan ara par auanimtan naraki, is um yetpan natimi leh ehgan: eris ahced yin ara sji ehki, eris aitgai yin ara, um apan anliin neom o atmehgan: eris um atapanes an tapanes.

Madius 25:21

Is um ika ehelen a natimi alupas o un, Et upene, ak naheca upene um inivaijec; et mun upene nedo unyum va niji itai et eti elpat, ekpu ati euc ainyak mika an esjilid aiek irai iji itai et ahinag: namu imyiacitak aiek um idivaig natimi alupas unyum.

Madius 26:39

Is eti elvatga aien, um atpuse, um alaigaheni, um ika, Ak Etmak, el et wat eti ehka, el eh mun atipagki nipjinitai ineigki ehelek: jai jim imyiaiji intas unyak, jam imyiaiji intas unyum.

Madius 26:42

Is lep apan aien um alaigaheni, um ika, Ak Etmak, el et ehka natipagkivaig nipjinitai ineigki ehelek, tup aiek marom, nikavaig, ki umnyi ainyak.

Lukas 11:28

Is ika aien, Maiya, ja era mun idim ahesmoij ara era atahaijeg intas o Atua ara, um imyiaiji.

Lukas 13:25

et wit atidai natimi alupas an neom, um atapanes an tapanes, aku wit atupun aijaua um aiji ijo, um etcetcei intapanes, um ika, Ak Natimarid, ak Natimarid, asalgei vai cama aiek: etpu tas aien, um ika ehelemia, Ek eti ato caua ainyak, im inuarin ineig eka ahes iran aijaua:

Lukas 18:25

et tup upene vai kamela namiliakvaig an hed an nitel, jam ehka va natimi ikni itai napanvaig an nelcau o Atua.

Lukas 6:46

Eka auri aijaua par ika vai nyak, Natimarid, Natimarid, jam eti imyiaiji intas unyak?

Joanes 14:7

el eka mun ato nyak aijaua, el eka mun lep ato Etmak aijaua: akupu idim ato yin aijaua, um alum yin.

Joanes 15:23

Aien et amcel vai nyak aien, et lep amcel vai Etmak aien.

Joanes 3:5

Is um ika a Iesu, Et idim inivaijec ineig ek asaig ehelum ainyak mika, El eh eti lep apos tah natimi an wai im lep an Nesgan Upene, inyi ehka vai yin napanvaig an nelcau o Atua:

Joanes 5:17

Is um ika ehele ra a Iesu, Is auritai a Etmak um imyihum pam naopan ineig, ek lep auritai ainyak.

Joanes 6:40

intas alep o un ineigki is abrai nyak aien, mika eri leh nitai umoh iran ineig inyi ti lep ti ara asega, era alum Inhal o Atua ara, um asgeig iran: ekpu imyiatidai ra ainyak an nadiat apitac.

Joanes 7:17

El et merit tah natimi nimyiaijivaig intas o un, inyi ato aien, kit is ahes ehele Atua nesege unyak, ka ek ispuk tas ainyak.