Madius 7:13 - Intas-Etipup Mat u Iesu Kristo 1863 (Aneityum Gospels)

¹³ Akumu atga aijaua an neucse nirahed ehroehro: et alupas neucse nirahed, um alupas nefalaig, et yetpan an mas, era atga iran atimi et ahinag:

Madius 7:13 ပူးပေါင်းရင်းမြစ်များ

Madius 23:13

Ja a’a, auwe vai caua, ak ilpu atimi esege im ilpu Farisi, eka ilpu atimi efaifa aijaua! eka atapanes nelcau an nohatag va atimi aijaua: eka eti apan iran aijaua, eka lep acaiji ra aijaua era apan iran ara.

Madius 25:41

Etpu ika ehele ra aien an moun, Atga unyimia aijaua, ak ilpu atimi ohocred, um apan an cop inyi ti lep opos, eris ago imi Tiapolo im ilpu agelo o un:

Madius 25:46

Erupu apan ara sji eigki an nuarin ohocred, um amen irai iji mesese: ja erupu apan a ilpu atimi upene an nuarin umumoh, um amen iran irai iji mesese.

Madius 3:2

um ika, Akumu adumoij anliinmopomia aijaua: et mun ubutpotet nelcau an nohatag.

Madius 3:8

akumu ohoai itai aijaua yi idivaig nadumoij u inliinmopomia:

Madius 7:14

ja et ehroehro neucse nirahed, um ehroehro nefalaig, et yetpan an nitai umoh iran, era atga iran atimi et eti elpat.

Lukas 14:33

Et idim ucco, aien iramia el et eti ude niji itai asega o un aien, et ehka vai yin nikavaig yi atimi atahaijeg nyak.

Lukas 9:33

Erus wat ude yin arau, is ika ehele Iesu a Pitrus, Ak Natimarid, et upene vai caija namenvaig igcaki: ektijmu ago neom inyi eseij aijumtaij; yi ethi imi euc, um ethi imi Moses, um ethi imi Elaija: is eti ato intas ineig aien is asaig.

Joanes 10:9

Ek eucse irahed ainyak: el et atga anliin nirahed tah natimi irak, uhpu imyiatamaig yin; etpu atga iran aien, um lep apan itac, um leh nitai caig incan.

Joanes 14:6

Is um ika ehelen a Iesu, Ek efalaig ainyak, um itai inivaijec, um itai umoh iran: et eti tup han tah ehele Etmak, jai vai nyak ache: