Madius 6:2 - Intas-Etipup Mat u Iesu Kristo 1863 (Aneityum Gospels)

² Na wit ahtai niji itai tup ahtai aiek, jim ahlai intoho um uhup iram, et idivaig ilpu atimi efaifa, era ago nedo ineigki ara irai eom alaigaheni, im lep irai efalaig, mika eri imyiahpas ra natimi. Et inivaijec ineig ek asaig ehelemia ainyak mika, Era mun leh nimtan imi ra ara.

Madius 6:2 ပူးပေါင်းရင်းမြစ်များ

Madius 15:7

Ak ilpu atimi efaifa, et inivaijec intas is upyi asaig vai caua a Aiseya, um ika,

Madius 16:3

Im lep an nuhialeg, et wat cop nohatag um aimoc, eka ika aijaua, Etpu has nipnyin inpeig. Ak ilpu atimi efaifa, eka ato aijaua nesganimtan nohatag; ja eka auri aijaua par eti ato niji itai asjaaicnaig an naopan ineig?

Madius 22:18

Ja is ato nauatatimi ura a Iesu, um ika, Eka auri aijaua, ak ilpu atimi efaifa, par oop nyak?

Madius 23:5

Era ago nedo asega ura ara mika eri alum ra natimi: era ago lecan nuari apelumai ura ara eris aged alaigaheni iran, um lep alupas intid irai apelumai ura;

Madius 23:6

era merit ara vai uarin esjilid u inhag o atimi, im lep itai ateuc esjilid irai eom alaigaheni,

Madius 24:51

um ucsamud yin, um ati yin an nimtan imi ilpu atimi efaifa: erupu aunyauwaig ara eahki, um ataktit eijera.

Madius 5:18

Et inivaijec ineig ek asaig ehelemia ainyak mika, Inyi yetpan an tid iran nohatag im nobohtan, ja inyi ti yetpan an tid iran tah nidan tintin, im lep tah nesganimtan nidan tintin an tas alep o Atua, um uhum pan naopan iyehki eri ago ehni asega.

Madius 6:16

Im lep ineig, aku wit atwakam aijaua, jim imtimlai va nesganimtamia aijaua um idivai ilpu atimi efaifa: era auahas nesganimtara ara, mika eri ika atimi era atwakam ara. Et inivaijec ineig ek asaig ehelemia ainyak mika, Era mun leh nimtan imi ra ara.

Madius 6:3

Na wit ahtai niji itai tup ahtai aiek, etmu jim ato nikmam inmoum nitai ineig et ago inmatam:

Madius 6:5

Na wit alaigaheni aiek, jim idivaig ilpu atimi efaifa: era merit ara natidaivaig um alaigaheni irai eom alaigaheni, im lep irai ihtag u efalaig, mika eri alum ra natimi. Et inivaijec ineig ek asaig ehelemia ainyak mika, Era mun leh nimtan imi ra ara.

Madius 7:5

ak natimi efaifa, namu uhup aiek um atipagki inmasincai an nesganimtam; va apu almoi upene aiek par atipagki nahrincai an nesganimtai etoam.

Lukas 11:41

Akumu aiheuc vai ilpu ihki atimi aijaua, um alupai ra itai unyimia; va etpu adicinadicin niji itai asega imi caua.

Lukas 11:43

A’a, auwe vai caua, ak ilpu Farisi! eka merit aijaua vai itai ateuc esjilid irai eom alaigaheni, im naiheuc vai caua vaig atimi irai tiptag.

Lukas 12:33

Akumu ahtai niji itai unyimia aijaua, um alupai ilpu ihki atimi itai tup ahtai; akumu ago cat imi caua aijaua yi ti mutit, um ikni padiaig unyimia esjilid an nohatag yi pu amen, inyi eti apan eahki tah natimi ehneg itai, um eti ehcai itai nages.

Lukas 12:56

ak ilpu atimi efaifa, eka ato nesganimtan nohatag im nobohtan aijaua; eka auri aijaua par eti ato itai an naopan ineig?

Lukas 13:15

Is tas ehelen a Natimarid, um ika, Ak natimi efaifa, natimi ineig yek eda iramia, et eti ikni pan itac kurimatau o un aien ka nifo o un an nadiat atumop, um imyiapan ui wai?

Lukas 20:46

Akumu aminjinai caua aijaua vai ilpu atimi esege, era merit ara naso ra vaig irai apelumai opra, um era lep merit ara mika eri aiheuc vai ra atimi irai uarin asjapicnaig atimi iran, era lep merit ara va niji itai ateuc esjilid irai eom alaigaheni, im ep niji uarin esjilid u inhag o atimi;

Lukas 6:24

A’a, auwe vai caua, ak ilpu atimi ikni itai! akis mun leucse niji itai upene unyimia aijaua.

Lukas 6:42

Et ehka vai euc intasvaig ehele etoam, um ika, Ak etoak, ekmu atipagki nahrincai an nesganimtam ainyak, jam eti aktaktai inmasincai an nesganimtam: ak natimi efaifa, namu uhup aiek um atipagki inmasincai an nesganimtam, va apu almoi upene aiek par atipagki nahrincai an nesganimtai etoam.

Joanes 13:29

Is amen ehele Jutas incedpai mune, va nitai ineigki, eris aktaktai nahaiji ra, mika is ika ehelen a Iesu, Auarimtai itai iji eigki aiek, inta merit vaig akaija va nasjapicnaig; ka yi alupai ilpu ihki atimi itai.

Joanes 5:41

Ek eti leh nimyiahpas nyak o atimi ainyak.

Joanes 5:44

Et ehka vai caua nimyiisjis ninivaijec vaig, eka imyiahpas jipe caua aijaua, jam eti ahilek nimyiahpas ineig et ahes ehele Atua ineig et ethi ache aien.

Joanes 7:18

Aien et ispun tas vai yin aien, et ahilek nimyiahpas yin aien: ja aien et ahilek nimyiahpas yin is abrai yin aien, et inivaijec aien, um atoh nedo o un.