Madius 6:1 - Intas-Etipup Mat u Iesu Kristo 1863 (Aneityum Gospels)

¹ Akumu jim ago nedo upene unyimia aijaua an nuhup o atimi, mika eri alum caua ara: el eka ago nedo ineigki aijaua, inyi ti alupai caua nimtan a Etmamia an nohatag.

Madius 6:1 ပူးပေါင်းရင်းမြစ်များ

Madius 16:27

Etpu yetpam a Inhal o natimi an natimi alupas o Etman im lep ilpu agelo o un; etpu ago neruvaig imi atimi asega aien yi idivaig nauritai ura.

Madius 16:6

Is ika ehele ra a Iesu, Aminjinai caua aijaua, um jim leh leven o ilpu Farisi im ilpu Satusi.

Madius 23:13

Ja a’a, auwe vai caua, ak ilpu atimi esege im ilpu Farisi, eka ilpu atimi efaifa aijaua! eka atapanes nelcau an nohatag va atimi aijaua: eka eti apan iran aijaua, eka lep acaiji ra aijaua era apan iran ara.

Madius 23:5

Era ago nedo asega ura ara mika eri alum ra natimi: era ago lecan nuari apelumai ura ara eris aged alaigaheni iran, um lep alupas intid irai apelumai ura;

Madius 25:40

Etpu tas a Natimarid, um ika ehele ra, Et inivaijec ineig ek asaig ehelemia ainyak mika, akis wat ago nedo ineigki aijaua vaig tah natimi upoupo irai ilpu etoak iji eigki, akis idim ago vai nyak aijaua.

Madius 5:16

Etmu naunau inlah unyimia aijaua an nuhup o atimi, mika eri alum auritai upene unyimia ara, um imyiahpas Etmamia an nohatag.

Madius 5:46

El eka aiheuc vai ra ache aijaua, era aiheuc vai caua ara, akupu leh inhe aijaua? era ago nedo ineigki a ilpu atimi akwanaham.

Madius 5:48

Akumu ago nedo atoh asega aijaua, et idivaig Etmamia an nohatag, et idim atoh nedo asega o un.

Madius 6:16

Im lep ineig, aku wit atwakam aijaua, jim imtimlai va nesganimtamia aijaua um idivai ilpu atimi efaifa: era auahas nesganimtara ara, mika eri ika atimi era atwakam ara. Et inivaijec ineig ek asaig ehelemia ainyak mika, Era mun leh nimtan imi ra ara.

Madius 6:9

Etmu ucce nalaigaheni unyimia aijaua: Ak Etmama an nohatag, Etmu itaup nidam.

Lukas 11:35

namu aminjinaig aiek va yi jim cas oposopos incop alahala unyum.

Lukas 12:1

AN naopan iyehki eris asjapicnaig natimi is ahinag acen, um atamerit, is atupun aien um tas ehele ilpu atimi atahaijeg yin, um ika, Akumu upyi hup aijaua um aminjinaig caua vai leven o ilpu Farisi, et itai efaifa ineigki.

Lukas 12:15

Is ika aien ehele ra, Akumu almoi aijaua, um aminjinaig caua, um jim has iramia itai: inyi ti umoh tah natimi vai padiag alupas et ohuun aien.

Lukas 16:15

Is ika ehele ra aien, Eka idivaig ilpu atimi upene aijaua an nuhup o atimi; ja et ato inliinmopomia a Atua: et has acen nitai ineig an nuhup o Atua, era tas upene vaig atimi.

Joanes 12:43

eris merit alupas ara va nimyiahpas o atimi, jam merit tintin va nimyiahpas o Atua.

Joanes 5:44

Et ehka vai caua nimyiisjis ninivaijec vaig, eka imyiahpas jipe caua aijaua, jam eti ahilek nimyiahpas ineig et ahes ehele Atua ineig et ethi ache aien.