Madius 5:46 - Intas-Etipup Mat u Iesu Kristo 1863 (Aneityum Gospels)

⁴⁶ El eka aiheuc vai ra ache aijaua, era aiheuc vai caua ara, akupu leh inhe aijaua? era ago nedo ineigki a ilpu atimi akwanaham.

Madius 5:46 ပူးပေါင်းရင်းမြစ်များ

Madius 11:19

Is wat ham a Inhal o natimi, is hag aien um umwig, ja eris ika ara, Almoi natimi ineigki et hag alupas aien, um umni waina, et etoai ilpu atimi akwanaham aien im ilpu atimi auatatimi. Ja era ika a ilpu atimi arapakau, Et idim upene narapakau.

Madius 18:17

El et eti atahaijeg aien, anum asuptecnaig ehele nakalasia aiek: el et imyipalea nakalasia aien, inyi idivaig natimi aupat vai euc aien, im natimi auatatimi.

Madius 5:47

El eka aiheuc vai ilpu etoamia ache aijaua, et eti esjilid nedo unyimia irai edo oi tak atimi; era ago nedo ineigki a ilpu atimi akwanaham.

Madius 6:1

Akumu jim ago nedo upene unyimia aijaua an nuhup o atimi, mika eri alum caua ara: el eka ago nedo ineigki aijaua, inyi ti alupai caua nimtan a Etmamia an nohatag.

Lukas 15:1

Eris ahtag pan ehelen a ilpu atimi akwanaham asega im ilpu atimi auatatimi, mika eri atahaijeg intas o un.

Lukas 18:13

Is aiji itac acen a natimi akwanaham, is pam eti easji pan an nohatag aien; is ahpoi inritin aien, um ika, Ak Atua, aiheuc vai nyak aiek, ek atimi auatatimi ainyak.

Lukas 19:2

Is amen eahki natimi is ethi, nidan Sakius, natimi alupas o ilpu atimi akwanaham; is atimi ikni itai aien.

Lukas 19:7

Eris wat almoi ara, eris tas upoupo ara asega, um ika, Et apan aien alaig ehele natimi auatatimi.

Lukas 3:12

Eris ahtag pan ehelen a ilpu atimi akwanaham, mika eri leh nabaptiso ira ra, um ika ehelen, Ak natimi esege, ecri ago inhe aijama?

Lukas 5:29

Is auanetha alupas vai yin a Livai anliin neom o un: eris ateuc ehele ra a ilpu atimi akwanaham im lep tak atimi, is ahinag ara.

Lukas 5:30

Eris tas upoupo a ilpu atimi esege im ilpu Farisi vai ilpu atimi atahaijeg yin, um ika, Eka auri aijaua par ehrihag um umwig aijaua im ilpu atimi akwanaham im ilpu atimi auatatimi?

Lukas 7:29

Eris aktaktai upene Atua atimi asega eris atahaijeg yin ara, im ilpu atimi akwanaham, eris upyi leh nabaptiso o Joanes ira ra ara.

Lukas 7:34

Et mun ham a Inhal o natimi, um hag um umwig; ja eka ika aijaua, Almoi natimi ineigki, et hag alupas aien, um umnyi waina, et etoai ilpu atimi akwanaham aien, im ilpu atimi auatatimi!