Madius 5:16 - Intas-Etipup Mat u Iesu Kristo 1863 (Aneityum Gospels)

¹⁶ Etmu naunau inlah unyimia aijaua an nuhup o atimi, mika eri alum auritai upene unyimia ara, um imyiahpas Etmamia an nohatag.

Madius 5:16 ပူးပေါင်းရင်းမြစ်များ

Madius 23:5

Era ago nedo asega ura ara mika eri alum ra natimi: era ago lecan nuari apelumai ura ara eris aged alaigaheni iran, um lep alupas intid irai apelumai ura;

Madius 23:9

Jim anvi nidan tah aijaua par ika et etmamia an nobohtan aien: et Etmamia ache aien et amen an nohatag aien.

Madius 5:45

va akupu ilpu hal o Etmamia an nohatag aijaua: et ika aien yi aridjai nagesega o un vai ilpu atimi auatatimi im ilpu atimi upene, et lep ika aien yi ehe vai ilpu atimi et atoh nedo ura im ilpu atimi et eti atoh nedo ura.

Madius 6:16

Im lep ineig, aku wit atwakam aijaua, jim imtimlai va nesganimtamia aijaua um idivai ilpu atimi efaifa: era auahas nesganimtara ara, mika eri ika atimi era atwakam ara. Et inivaijec ineig ek asaig ehelemia ainyak mika, Era mun leh nimtan imi ra ara.

Madius 6:9

Etmu ucce nalaigaheni unyimia aijaua: Ak Etmama an nohatag, Etmu itaup nidam.

Madius 9:8

Eris wat almoi natimi is ahinag, eris imyiali ara, um imyiahpas Atua va nedo o un, nikavaig, is ati nemda ineigki aien ehele atimi.

Lukas 11:2

Is ika ehele ra aien, Aku wit alaigaheni aijaua, um ika, Ak Etmama an nohatag, Etmu itaup nidam. Etmu yetpam nelcau unyum. Uhmu imyiaiji intas unyum an nobohtan, et idivaig an nohatag.

Joanes 15:8

Aku wit ohou aijaua um ahinag nohoamia, uhpu imyiahpas Etmak; akupu lep ilpu atimi atahaijeg nyak aijaua.