Madius 4:23 - Intas-Etipup Mat u Iesu Kristo 1863 (Aneityum Gospels)

²³ Is arahed an pece Calili asega a Iesu, um esege irai eom alaigaheni ura, um asuptecnaig intas-upene va nelcau o Atua, um iknipagki emehe asega ira atimi im nauatialidi ira ra.

Madius 4:23 ပူးပေါင်းရင်းမြစ်များ

Madius 11:5

Et lah nesganimtai ilpu atimi aupat nesganimtara, um atga a ilpu atimi asvahteuc neduora, um adicinadicin a ilpu atimi aleprose, um ahgei itai a ilpu atimi ucjapines intikgara, um anusjai a ilpu atimi emesmas, eh lep asuptecnaig intas-upene ehele ilpu ihki atimi.

Madius 12:9

Is ahes eahki aien, um atga o un, um apan anliin neom alaigaheni ura:

Madius 13:19

Et wat atahaijeg intas va nelcau o Atua tah, um eti ato, et um han natimi auatatimi, um atoraliak neig eris ahoaig anliinmopon. Aien aigki et idivaig nahaijin nefalaig aien, eris ahoaig nupsi itai iran.

Madius 13:54

Is wat yetpan an pece o un aien, is esege imi ra aien anliin neom alaigaheni ura, eris imyiali ara, um ika, Et leh narapakau ineigki eda a natimi ineigki, im nauritai esjilid iji eigki?

Madius 14:14

Is wat apan a Iesu, um alum atimi is ahinag, is aiheuc vai ra aien, um ago cehcehe ilpu atimi emehe ira ra.

Madius 24:14

Eri upyi hup um asuptecnaig intas-upene ineigki va nelcau o Atua an nobohtan asega, nitai asuptecnaig imi nup urai iji pece asega; ja etpu yetpam nehni o itai.

Madius 3:2

um ika, Akumu adumoij anliinmopomia aijaua: et mun ubutpotet nelcau an nohatag.

Madius 9:35

IS apan a Iesu irai iji uari-pece esjilid asega, im inuari-pece haklin, um esege irai eom alaigaheni ura, um asuptecnaig intas-upene va nelcau o Atua, um atipagki nemehe asega ira atimi im nauatialidi ira ra.

Lukas 10:9

um ago cehcehe atimi emehe eahki, um ika ehele ra, Et mun yetpam ehelemia nelcau o Atua.

Lukas 13:10

Is esege imi ra aien anliin neom alaigaheni is ethi an nadiat atumop.

Lukas 16:16

Is amen intas alep is aged a Moses im intas eris aged a ilpu profeta um yetpan irai Joanes: eris atupun an naopan iyehki um asuptecnaig nelcau o Atua, era miakaikai emda iran natimi asega.

Lukas 20:1

Is esege imi atimi aien anliin neom ahlap, an naopan iyehki an nadiat is ethi, um asuptecnaig intas-upene, eris apan ehelen a ilpu atimi ahlap esjilid, im ilpu atimi esege, im ilpu atimi tas alep,

Lukas 4:14

IS lep apan Calili a Iesu va nemda o Nesgan Upene: is apaahni intas vai yin an pece asega marahed mihtag.

Lukas 5:17

IS wat esege aien an nadiat is ethi, eris ateuc eahki a ilpu Farisi im ilpu atimi esege intas alep, eris ahes irai iji uari-pece asega Calili, im Jutaia, im Jerusalem: is ago cehcehe atimi emehe a Natimarid an nemda o un.

Lukas 6:17

Is asuol aien im lep ra, um aiji igca is marara, im ilpu atimi atahaijeg yin is ahinag, im lep natimi is ahinag acen irai iji uari pece asega Jutaia im Jerusalem, im lep irai iji uari pece u unjop Tairus im Saiton, eris ahtag pan ehelen ara mika eri atahaijeg yin, um lep ika yi ago cehcehe ra aien va nemehe ira ra;

Lukas 6:6

Is lep apan aien anliin neom alaigaheni an nadiat atumop is eche, um esege: is amen eahki natimi is ethi is urauo nikman inmatan.

Lukas 7:21

Is um ago cehcehe atimi is ahinag aien an nuarin-nadiat iyehki va nauatialidi ira ra, im nemehe has, im ilpu agelo has; um ago lah nesganimta atimi is ahinag is aupat nesganimtara.

Lukas 7:22

Is tas a Iesu, um ika ehele rau, Apan aijaurau um asuptecnaig ehele Joanes nitai iji eigki erau mun almoi aijaurau um atahaijeg vaig; nikavaig, et lep lah nesganimtai ilpu atimi aupat nesganimtara, um atga a ilpu atimi asvahteuc neduora, um adicinadicin a ilpu atimi lepros, um ahgei itai a ilpu atimi ucjapines intikgara, um anusjai a ilpu atimi emesmas, eh lep asuptecnaig intasupene ehele ilpu ihki atimi.

Lukas 8:1

IS wat ti pan itac nitai iji eigki, is apan aien irai iji uari-pece alupas asega, im niji uari-pece haklin, um efehtas, um asuptecnaig intas-upene va nelcau o Atua: eris ahced yin natimi is twelv,

Lukas 9:11

Eris wat ato atimi, eris apitac yin ara: is leh ra aien, um asuptecnaig nelcau o Atua ehele ra, um ago cehcehe ra eris emehe ara.

Lukas 9:60

Is um ika ehelen a Iesu, Erumu atelmoi ilpu atimi emesmas a ilpu atimi emesmas: jam apan aiek, um asuptecnaig intas va nelcau o Atua.

Joanes 18:20

Is um ika ehelen a Iesu, Kis tas ainyak an nuhup o atimi asega; kis idim esege ainyak irai eom alaigaheni im lep anliin neom ahlap, era apan iran a nupu Jutaia irai irai iji adiat; kis eti adenan tas unyak ainyak:

Joanes 6:59

Is asan tas iji eigki aien anliin neom alaigaheni, an nesege o un Kaperneum.

Joanes 7:1

Is wat ti pan itac nitai iji eigki, is atga sjipe a Iesu an pece Calili: is eti merit aien natga jipe vaig an pece Jutaia, va nitai ineig, nikavaig, eris ika a nupu Jutaia eri atgei yin.