Madius 3:2 - Intas-Etipup Mat u Iesu Kristo 1863 (Aneityum Gospels)

² um ika, Akumu adumoij anliinmopomia aijaua: et mun ubutpotet nelcau an nohatag.

Madius 3:2 ပူးပေါင်းရင်းမြစ်များ

Madius 10:7

Aku wit apan aijaua, um efehtas, um ika, Et ubutpotet nelcau an nohatag.

Madius 11:20

Is ated nup urai uari-pece iji ehki aien is ago niji auritai esjilid o un is ahinag iran aien, va nedo ura, nikavaig, eris eti adumoij anliinmopura ara:

Madius 12:41

Erupu atidai a nup an Ninivi an nadiat almaijidjid, um ated atimi an naopan ineig: eris adumoij anliinmopura ara vai intas asuptecnaig o Jona; ja et amen tah igcaki et esjilid aien irai Jona.

Madius 13:11

Is tas aien, um ika ehele ra, Eh mun alupai caua mika aki ato aijaua niji itai adenaig an nelcau an nohatag; ja eh mun eti alupai ra.

Madius 13:24

Is lep aketo aien um tas ecsipece ehele ra, um ika, Nelcau an nohatag et idivaig natimi is ethi, is ahoaig upsi itai upene uman aien:

Madius 13:31

Is lep aketo aien um tas ecsipece ehele ra, um ika, Nelcau an nohatag et idivaig nupsi mustart, is leh natimi is ethi, um ahoaig uman:

Madius 13:33

Is lep aketo aien um tas ecsipece ehele ra, um ika, Nelcau an nohatag et idivaig leven is leh intakata is ethi, um ati a flaur ehceseij asjaaicnaig iran, is um leven asega.

Madius 13:47

Im lep ineig, nelcau an nohatag et idivaig nopoig eris anah iran an jop, um anai iji obotpot mu iran:

Madius 13:52

Is ika ehele ra aien, Natimi esege ineig et ato nelcau an nohatag aien, et idivaig natimi alupas et ethi aien, et leh niji itai mat aien, im niji itai itu acen, ira aga o un.

Madius 18:23

Nelcau an nohatag et idivaig natimarid is ethi, is ika aien yi ahilek nedo o ilpu aheca o un.

Madius 20:1

Nelcau an nohatag et idivaig natimi alupas is ethi, is alau ijo aien an nuhuhialeg, um ahilek atimi mika eri auritai ara anliin nekaro vaine o un:

Madius 22:2

Nelcau an nohatag et idivaig natimarid is ethi, is auanetha alupas aien an natmehgan o inhalav atamaig o un,

Madius 23:13

Ja a’a, auwe vai caua, ak ilpu atimi esege im ilpu Farisi, eka ilpu atimi efaifa aijaua! eka atapanes nelcau an nohatag va atimi aijaua: eka eti apan iran aijaua, eka lep acaiji ra aijaua era apan iran ara.

Madius 25:1

An naopan iyehki etpu idivaig ilpu atahaig is ten nelcau an nohatag, eris leucse lamp ura ara, um alau ijo um apan mika eri aubillid natimi leh ehgan.

Madius 25:14

Nelcau an nohatag et idivaig natimi is ethi, is apan aien an pece itac acen, ja is asjapicnaig ilpu aheca o un aien um ikni padiaig o un ehele ra.

Madius 4:17

Is atupun a Iesu an naopan iyehki um tas, um ika, Akumu adumoij anliinmopomia aijaua: et mun ubutpotet nelcau an nohatag.

Madius 4:23

Is arahed an pece Calili asega a Iesu, um esege irai eom alaigaheni ura, um asuptecnaig intas-upene va nelcau o Atua, um iknipagki emehe asega ira atimi im nauatialidi ira ra.

Madius 5:10

Era mun ahesmoij ara er edemda vai ra va nedo atoh ura: et ura nelcau an nohatag.

Madius 5:3

Era mun ahesmoij ara et ipjidipjid inliinmopura ara: et ura nelcau an nohatag.

Madius 6:10

Etmu yetpam nelcau unyum. Uhmu imyiaiji intas unyum an nobohtan, et idivaig an nohatag.

Madius 6:33

Akumu upyi hup aijaua, um ahilek nelcau o Atua im nedo atoh o un; uhpu alupai caua nitai iji eigki asega.

Lukas 1:16

etpu imyiadumoij pan aien nupu Isreel inyi ahinag ehele Ihova Atua ura:

Lukas 11:20

El ek ahlo ilpu agelo has ainyak vai nupsikmai Atua, et mun yetpam ehelemia nelcau o Atua.

Lukas 13:3

ek idim ika ehelemia ainyak, O’o: ja el eka eti adumoij anliinmopomia aijaua, uhpu idim lep auahas caua asega.

Lukas 13:5

ek idim ika ehelemia ainyak, O’o: ja el eka eti adumoij anliinmopomia aijaua, uhpu idim lep auahas caua asega.

Lukas 15:10

Et idim ucco, ek asaig ehelemia ainyak mika, Et eteuc nimyiacitak an nuhup o ilpu agelo o Atua vaig tah natimi auatatimi et adumoij anliinmopon aien.

Lukas 15:7

Ek asaig ehelemia ainyak mika, Et idim ucco, etpu alupas nimyiacitak an nohatag vaig tah natimi auatatimi et adumoij anliinmopon aien, jam tintin nimyiacitak va natimi upene et nainte nain, eris eti ika vai ra eri adumoij anliinmopura ara.

Lukas 16:30

Is ika aien, O’o, ak etmak Ebraham: el et ehcohos ehele ra tah natimi mas, erupu adumoij anliinmopura ara.

Lukas 21:31

et idim ucco, aku wit almoi nitai iji eigki aijaua, akumu ato aijaua, nikavaig, et mun ubutpotet u nelcau o Atua.

Lukas 24:47

mika eri atupun Jerusalem ara um asuptecnaig ehele nup urai iji pece asega, eri adumoij anliinmopura ara um leh nitai iknipagki nedo has ura an nidan.

Lukas 6:20

Is aijidjid ilpu atimi atahaijeg yin aien, um ika, Eka mun ahesmoij aijaua et ipjidipjid inliinmopomia: et unyimia nelcau o Atua.

Lukas 9:2

is abrai ra aien mika eri apan ara, um asuptecnaig intas va nelcau o Atua, um ago cehcehe ilpu atimi emehe.