Madius 28:6 - Intas-Etipup Mat u Iesu Kristo 1863 (Aneityum Gospels)

⁶ et ti aien igcaki: et mun nusjai aien, et idivaig is asaig aien: apam aijaurau, um almoi inuarin ineig is asjeuc iran a Natimarid:

Madius 28:6 ပူးပေါင်းရင်းမြစ်များ

Madius 12:40

is idim amen a Jona an nadiat is eseij im nepeig is eseij an nipjinetgan numu alupas; et um ucco etpu amen a Inhal o natimi an nadiat inyi eseij im nepeig inyi eseij anliin tan.

Madius 16:21

Is atupun a Iesu an naopan iyehki um asuptecnaig ehele ilpu atimi atahaijeg yin, um ika, Ek et hidim ika ainyak ki apan Jerusalem, etpu ahinag nohocred unyak vai ilpu atimi tas alep, im ilpu atimi ahlap esjilid, im ilpu atimi esege, erupu atgei nyak ara; ja et wit ti pan itac nadiat inyi eseij ekpu lep nusjai ainyak.

Madius 17:23

erupu atgei yin ara, ja et wit ti pan itac nadiat inyi eseij etpu lep nusjai aien. Is ohocred alupas inliinmopura ara.

Madius 17:9

Eris ahes an nedoon iyehki ara um asuol, is acaiji ehtaij a Iesu um ika, Jim asuptecnaig ehelen tah nitai ineig ehtaij mun almoi aijautaij an naopan ineig, um uhum pan naopan iyehki inyi nusjai a Inhal o natimi vai inmas o un, ja par asuptecnaig.

Madius 20:19

erupu ati yin ara ehele nup urai taka pece, mika eri imyiafakahcil yin ara, um aredei yin, um atgei yin an nauincai atgeig: ja et wit ti pan itac nadiat inyi eseij etpu lep nusjai aien.

Madius 27:63

um ika, Ak natimarid, ecra imyiehva aijama intas is asaig a natimi efaifa ineigki, an naopan numoh o un, um ika, Et wit ti pan itac nadiat inyi eseij, ekpu lep nusjai ainyak:

Lukas 24:12

Is atidai a Pitrus um athut pan u unmun nij; is atpuse aien um ecetai napelumai yilyil, eris echim ati, um atga o un, um imyiali nitai ineigki eris ago.

Lukas 24:23

eris eti ecetai nohun ara, ja eris apam ara, um ika, Era mun ehcohos pam ehelema a ilpu agelo, um ika, Et mun nusjai aien.

Lukas 24:44

Is ika ehele ra aien, Kis wat amen ehelemia ainyak kis asan tas iji eigki ehelemia ainyak, mika uhpu idim ehneijid irak nitai iji eigki asega eris aged vai nyak an nitasvitai o Moses, im lep an nitasvitai o ilpu profeta, im lep an nitasvitai Ohranitai.

Joanes 10:17

Et aiyu inliinmopoi Etmak vai nyak va nedo unyak, nikavaig, ekpu ahtai nitai umoh iran unyak ainyak, ja par lep nusjai.

Joanes 2:19

Is tas a Iesu, um ika ehele ra, Akumu auahas neom ahlap ineigki aijaua, ja ekpu lep ago ainyak an nadiat inyi eseij.