Madius 27:54 - Intas-Etipup Mat u Iesu Kristo 1863 (Aneityum Gospels)

⁵⁴ Is wat ahgei nomoi a natimi alupas u ilpu eucsupo, im lep ra eris amen ehelen ara par aminjinaig Iesu, um almoi nitai iji eigki, eris imtitaig alupas ara, um ika, Et inivaijec ineig, nikavaig, et Hal o Atua aien.

Madius 27:54 ပူးပေါင်းရင်းမြစ်များ

Madius 26:63

Ja is eti tas a Iesu. Is tas a natimi esjilid an nahlap, um ika ehelen, Ek asaig ehelum ainyak vai Atua umoh, mika an asuptecnaig aiek ehelema, mika nai Kristo aiek, Inhal o Atua, ka o’o.

Madius 27:36

Eris ateucse ara, um aminjinaig yin eahki;

Madius 27:40

um ika, Aiek na auahas neom ahlap aiek, um lep actaig an nadiat et eseij, namu imyiatamaig euc aiek: el et Hal o Atua aiek, namu asuol an nauincai atgeig aiek.

Madius 27:43

is asgeig irai Atua aien; etmu imyiatamaig yin aien, el et aiyu inliinmopon aien vai yin: is ika aien, Ek Hal o Atua ainyak.

Madius 27:51

Is um ahpati natcai apelumai anliin neom ahlap, is ahes ijinies um asuol; is amaamai nobohtan, um ameled nij;

Madius 4:3

Is apan ehelen natimi oop yin, um ika, El et Hal o Atua aiek, namu ika aiek yi areto inhat iji eigki.

Madius 8:5

Is yetpan Kaperneum a Iesu, is apan ehelen a natimi alupas o ilpu eucsupo is ethi, um ugni yin,

Lukas 22:70

Eris ika ara asega, Nai Hal o Atua aiek, ka o’o? Is ika ehele ra aien, Eka mun asaig aijaua ek idim ucco ainyak.

Joanes 19:7

Eris um ika ehelen a nupu Jutaia, Et eteuc intas alep unyima, et upene mika yi mas aien vai intas alep unyima va nedo o un, nikavaig, is ika aien, Ek Hal o Atua ainyak.