Madius 26:56 - Intas-Etipup Mat u Iesu Kristo 1863 (Aneityum Gospels)

⁵⁶ Ja eh mun ago nitai iji eigki asega, par ehneijid intas eris aged a ilpu profeta. Eris ude yin a ilpu atimi atahaijeg yin asega, um aha.

Madius 26:56 ပူးပေါင်းရင်းမြစ်များ

Madius 21:42

Is um ika ehele ra a Iesu, Akis esvi intas ineigki aijaua an nitasvitai, ka o’o, nikavaig, “Inhat ineig eris esjum vaig a ilpu atimi acta neom, et hat esjilid ineigki an nesvi va neom: is ago nitai ineigki a Ihova, et itai imyiali ineig an nuhup uja”?

Madius 26:24

et apan a Inhal o natimi et idivaig eris aged vai yin: ja a’a, auwe vai nat naico etpu aniv Inhal o natimi aien! el is upene vai nat naico, el eris eti apos yin.

Madius 26:31

Is um ika ehele ra a Iesu, Akupu imyiehcamai nyak aijaua asega an nepeig ineigki: eris aged, um ika, “Ekpu auud natimi asgi siip ainyak, erupu terimterim jipe siip.”

Madius 26:54

ja uhpu ehneijid intas eris aged um uauo, mika yi idim ucce?

Joanes 16:32

Etpu idim yetpam naopan iyehki, maiya, et mun yetpam an naopan ineig, akupu terimterim aijaua asega, um apan irai imnim unyimia, um ude nyak: ja ek eti echim amen ainyak, et idim amen ehelek a Etmak.