Madius 26:45 - Intas-Etipup Mat u Iesu Kristo 1863 (Aneityum Gospels)

⁴⁵ Is apan aien ehele ehtaij atimi atahaijeg yin, um ika ehele ehtaij, Umjeg aijautaij, um atumop: et mun ubutpotet naopan ineig, eh mun aniv Inhal o natimi ehele ilpu atimi auatatimi:

Madius 26:45 ပူးပေါင်းရင်းမြစ်များ

Joanes 13:1

An naopan iyehki is mun ubutpotet u nasjapicnaig va napaska, ja is ato a Iesu, nikavaig, is yetpam naopan ineig inyi ude nobohtan ineigki aien, um apan ehele Etman, is aiyu inliinmopon aien vai ilpu atimi o un an nobohtan, is lep aiyu inliinmopon aien vai ra um yetpan u inmas o un.

Joanes 17:1

IS wat tas ehni a Iesu, ja par easji pan an nohatag, um ika, Ak Etmak, et mun yetpam naopan unyak; namu ehvaig natimi alupas o Inhal unyum aiek, va etpu lep ehvaig natimi alupas unyum a Inhal unyum:

Joanes 12:27

Et ohocred inliinmopok ainyak an naopan ineig; inki asanhe ainyak? ekpu ika ainyak, Ak Etmak, apu imyiatamaig nyak aiek va naopan ineig, ka o’o? ja ek mun yetpam ainyak an naopan ineig va nitai ineigki.

Lukas 22:53

kis wat amen ehelemia ainyak anliin neom ahlap irai iji adiat, akis eti arop irak aijaua: ja et nuarin-nadiat unyimia ineigki, im nemda o naupat.

Madius 26:18

Is ika aien, Apan aijaua an nuarin-pece itaup ehele natimi et ethi eahki, um ika ehelen, Et ika a Natimi esege, Et mun ubutpotet nadiat unyak; ekpu ecaig napaska ainyak anliin neom unyum im lep ilpu atimi atahaijeg nyak.

Madius 26:2

Eka ato aijaua, nikavaig, et wit ti pan itac nadiat inyi ero, uhu wit asjapicnaig u napaska; uhpu aniv Inhal o natimi mika eri atgei yin an nauincai atgeig.

Madius 26:44

Is ude ehtaij aien, um lep atga o un, um ehceseij alaigaheni, um asaig intas iji ehki.

Madius 26:46

atidai aijautaij, ti atga uja akaija: et mun ubutpotet aien et aniv nyak aien.

Joanes 12:23

Is tas ehele rau a Iesu, um ika, Et mun ubutpotet u naopan ineig uhpu ehvaig natimi alupas o Inhal o natimi.