Madius 26:39 - Intas-Etipup Mat u Iesu Kristo 1863 (Aneityum Gospels)

³⁹ Is eti elvatga aien, um atpuse, um alaigaheni, um ika, Ak Etmak, el et wat eti ehka, el eh mun atipagki nipjinitai ineigki ehelek: jai jim imyiaiji intas unyak, jam imyiaiji intas unyum.

Madius 26:39 ပူးပေါင်းရင်းမြစ်များ

Madius 20:22

Is tas a Iesu, um ika, Erau eti ato aijaurau nitai ineig erau ugni nyak vaig aijaurau: aru emda aijaurau par umwig an nipjinitai ineig ekpu umwig iran ainyak, um leh nabaptiso iramirau yi idivaig nabaptiso ineig ekpu leh irak ainyak, ka o’o? Erus ika ehelen arau, Ecru emda aijumrau.

Madius 24:24

Erupu ehcohos pam a ilpu Kristo efaifa im ilpu profeta efaifa, erupu ehvaig niji itai ehka ara, im niji itai imyiali; erupu ika ara eri imyiahnag ilpu atimi ehtai ra; ja inyi ehka.

Madius 26:42

Is lep apan aien um alaigaheni, um ika, Ak Etmak, el et ehka natipagkivaig nipjinitai ineigki ehelek, tup aiek marom, nikavaig, ki umnyi ainyak.

Lukas 17:16

is atpuse aien u neduon, um naaurineig vai yin: is upu Samerya aien.

Joanes 11:41

Eris atipagki inhat ara an nuarin iyehki eris ati natimi mas iran. Is easji pan a Iesu, um ika, Ak Etmak, naaurineig, na mun atahaijeg nyak aiek:

Joanes 14:31

Ja erupu ato atimi an nobohtan mika et aiyu inliinmopok ainyak vai Etmak; is idim asaig ehelek a Etmak, et um ucco ek ago ainyak. Ti atidai akaija um apan eagko.

Joanes 18:11

Is um ika a Iesu ehele Pitrus, Lep atohoaigse nauitoga unyum aiek an cedpan: ekpu umwig ainyak an nipjinitai ineig is alupai nyak a Etmak.

Joanes 5:19

Is tas a Iesu, um ika ehele ra, Et idim inivaijec ineig ek asaig ehelemia ainyak mika, Et ehka vai Inhal o Atua intup ispun ago tah nitai vaig, nitai iji eigki ache, et alum Etman aien nagovaig: nitai iji eigki asega et ago aien, et lep ago a Inhal o un.

Joanes 5:30

Et ehka vai nyak intup ispuk agovaig tah nitai: ek idim atahaijeg ainyak, et um ucco ek lep asuptecnaig nimtan ainyak: et atoh intas asuptecnaig unyak; ek eti imyiaiji intas unyak ainyak, jai intas o Etmak is abrai nyak aien.

Joanes 6:38

kis eti ahes an nohatag ainyak um asuol, mika ki imyiaiji intas unyak, jam imyiaiji intas o un is abrai nyak aien: