Madius 26:29 - Intas-Etipup Mat u Iesu Kristo 1863 (Aneityum Gospels)

²⁹ ja ek asaig ehelemia ainyak mika, Inki ti lep umnyi nidi vaine ainyak, um uhum pan naopan iyehki, ekpu umnyi waina mat ainyak ehelemia an nelcau o Etmak.

Madius 26:29 ပူးပေါင်းရင်းမြစ်များ

Madius 13:43

Erupu ememina a ilpu atimi upene et idivaig nagesega, an nelcau o Etmara. Aien et eteuc intikgan aien par ahgei itai, etmu atahaijeg aien.

Madius 16:28

Et inivaijec ineig ek asaig ehelemia ainyak mika, Era aiji igcaki nahaiji atimi eri upyi hup ara um ecet Inhal o natimi napamvaig an nelcau o un, ja par emesmas.

Madius 18:20

El et asjapicnaig natimi et ero ka et eseij an tah anuarin va nidak, ekpu idim amen ehele ehtaij ainyak.

Madius 25:34

Etpu ika a Natimarid ehele ra an matan, Apam aijaua, ak ilpu atimi is aiheuc vai caua a Etmak, um amen an nelcau ineig eris ago imi caua an naopan iyehki is pam eti eteuc nobohtan:

Madius 26:28

inja irak ineigki vai intas-etipup mat, eh mun atladwi va atimi et ahinag, va uhpu eti aru nedo has ura:

Madius 26:30

Eris acesaces nohranitai ara, ja par alau ijo um apan an nedoon Olivet.

Madius 28:20

um esege imi ra mika eri imyiaiji niji itai asega ara kis tas alep vaig ehelemia ainyak: ekpu idim amen ehelemia ainyak irai iji adiat, um yetpan an nehni u naopan. Emen.

Lukas 12:32

Eka idim eti elpat aijaua, jam jim imtitaig; et idim merit a Etmamia mika yi alupai caua nelcau o un.

Lukas 15:32

et upene vai caija nimyiacitakvaig, um cediaig: et idivaig is mas a etoam ineigki, jam lep umoh; is tup ti aien, ja eris lep ecet yin.

Joanes 15:11

Ek mun asuptecnaig nitai iji eigki imi caua ainyak, mika yi amen ehelemia nimyiacitak unyak, um lep esjilid nimyiacitak unyimia.

Joanes 16:22

eka ohocred aijaua an naopan ineig: ja ekpu lep ateghe caua ainyak, etpu imyiacitak inliinmopomia aijaua, inyi ti atipagki nimyiacitak unyimia tah natimi.

Joanes 17:13

Ekpu apam ehelum ainyak an naopan ineig; ek asuptecnaig nitai iji eigki an nobohtan ainyak, mika yi imyiacitak alupas inliinmopura ara vai nyak.