Madius 24:14 - Intas-Etipup Mat u Iesu Kristo 1863 (Aneityum Gospels)

¹⁴ Eri upyi hup um asuptecnaig intas-upene ineigki va nelcau o Atua an nobohtan asega, nitai asuptecnaig imi nup urai iji pece asega; ja etpu yetpam nehni o itai.

Madius 24:14 ပူးပေါင်းရင်းမြစ်များ

Madius 10:7

Aku wit apan aijaua, um efehtas, um ika, Et ubutpotet nelcau an nohatag.

Madius 18:19

Im lep ineig, ek asaig ehelemia ainyak mika, El et tup ethi ache inliinmopoi natimi inyi ero iramia an nobohtan vaig tah nitai erupu ugni arau, etpu alupai rau a Etmak an nohatag.

Madius 24:3

Is wat ateuc aien an nedoon Olivet, eris asjapicnaig pan ehelen a ilpu atimi atahaijeg yin, um echim ahodai yin, um ika, Asuptecnaig ehelema aiek, etpu yetpam nitai iji eigki an nahopan? um asjaaicnaig an napam unyum nevitai, im nehni u nitai iji eigki?

Madius 24:6

Akupu atahaijeg edoa aijaua im lep intas vai edoa: jam jim imtitaig: etpu idim yetpam nitai iji eigki asega, ja inyi ti fi auroauro um ahni itai.

Madius 4:23

Is arahed an pece Calili asega a Iesu, um esege irai eom alaigaheni ura, um asuptecnaig intas-upene va nelcau o Atua, um iknipagki emehe asega ira atimi im nauatialidi ira ra.

Madius 9:35

IS apan a Iesu irai iji uari-pece esjilid asega, im inuari-pece haklin, um esege irai eom alaigaheni ura, um asuptecnaig intas-upene va nelcau o Atua, um atipagki nemehe asega ira atimi im nauatialidi ira ra.

Lukas 2:1

An naopan iyehki is tas alep a Sisar Acustus, um ika, eri aged nidai atimi asega an pece.

Lukas 24:47

mika eri atupun Jerusalem ara um asuptecnaig ehele nup urai iji pece asega, eri adumoij anliinmopura ara um leh nitai iknipagki nedo has ura an nidan.

Lukas 4:5

Is imyiaridjai yin a Tiapolo an nedoon ijinies is ethi, um auro um ehvaig ehelen niji elcau asega an nobohtan: