Madius 23:8 - Intas-Etipup Mat u Iesu Kristo 1863 (Aneityum Gospels)

⁸ Uhmu jim anvi nidamia par ika Rabai [natimi esege]: et ethi ache Natimi esege unyimia, et Kristo aien; eka ilpu raimu aijaua asega.

Madius 23:8 ပူးပေါင်းရင်းမြစ်များ

Madius 10:25

Et upene vai natimi atahaijeg nidivai natimi esege imi yin vaig, um lep upene vai naheca nidivai natimi alupas o un vaig. Ele anvi nidai natimi alupas an neom par ika Belsebub, etpu esjilid intas has vai ilpu atimi o un.

Madius 17:5

Is wat tas aien, is taluopni pam ehtaij nepeig ememina: is ahes an nepeig nohran tah, um ika, Inhalav cop unyak ineigki, ek imyiacitak yin ainyak; ahtijmu atahaijeg yin aijautaij.

Madius 23:10

Uhmu jim anvi nidamia par ika ilpu atimi alupas: et ethi ache Natimi alupas unyimia, et Kristo aien.

Madius 23:7

im lep naiheuc vai ra vaig atimi irai tiptag, im lep narohoai ra vaig par ika, Ak Rabai, ak Rabai.

Madius 26:25

Is tas a Jutas natimi aniv yin, um ika, Ak Natimi esege, ainyak, ka o’o? Is um ika ehelen aien, Na mun asaig aiek.

Madius 26:49

Is eti laulau is um yetpan aien ehele Iesu, um ika, Kaiheuc vai euc, ak Natimi esege; um aijumnyi yin.

Lukas 22:32

ja ek mun alaigaheni vai euc ainyak, va yi jim auatialidi nimyiisjis ninivaijec unyum aiek: na wit adumoij aiek, namu ated emda ilpu etoam aiek.

Joanes 1:38

Is ahidai yin a Iesu um ecet rau napitac yin vaig, um ika ehele rau, Erau merit vanhe aijaurau? Erus ika ehelen arau, Ak Rabai, (nesgan tas ineigki, Ak Natimi esege,) na amen aiek eda?

Joanes 1:49

Is tas ehelen a Nadanyel, um ika, Ak Natimi esege, nai Hal o Atua aiek; na Atimarid u nupu Isreel aiek.

Joanes 11:8

Eris um ika ehelen a ilpu atimi atahaijeg yin, Ak Natimi esege, eris tup pam ahilek euc a nupu Jutaia mika eri asji euc irai hat; na auri aiek par apan eahki?

Joanes 20:16

Is um ika ehelen a Iesu, Ak Mere. Is ahidai yin aien, um ika ehelen, Ak Rabonai; nesgan tas ineigki, Ak Natimi esege.

Joanes 3:2

is apan aien ehele Iesu an nepeig, um ika ehelen, Ak Rabai, ecra ato aijama, nikavaig, na atimi esege ahes ehele Atua aiek: et ehka vaig tah natimi nagovaig niji auritai ehka iji eigki na ago aiek, el et eti amen ehelen a Atua.

Joanes 3:26

Eris apan ehele Joanes ara, um ika ehelen, Ak Natimi esege, aien is amen ehelum aien an nahaijin Jortan itac, aien as asuptecnai yin aiek, et idim baptiso ira atimi aien; era ahtag pan ehelen natimi asega.

Joanes 4:31

Eris ugni yin a ilpu atimi atahaijeg yin, um ika, Ak Natimi esege, namu hag aiek.

Joanes 6:25

Eris wat ecet yin ara an nahaijin jop, eris um ika ehelen ara, Ak Natimi esege, nai ham aiek igcaki an nahopan?

Joanes 9:2

Eris ahodai yin a ilpu atimi atahaijeg yin, um ika, Ak Natimi esege, is ago nedo has a di, natimi ineigki, ka ohwat atmil o un, mika is par aupat nesganimtan aien an napos yin vaig?