Madius 21:11 - Intas-Etipup Mat u Iesu Kristo 1863 (Aneityum Gospels)

¹¹ Eris um ika natimi is ahinag, Iesu neigki, naprofeta an Nasared an pece Calili.

Madius 21:11 ပူးပေါင်းရင်းမြစ်များ

Madius 2:23

is apan aien an nuarin-pece is ethi nidan Nasared, um amen; is idivaig intas ineig eris upyi asaig a ilpu profeta, um ika, Uhpu anvi nidan par ika nup an Nasared.

Madius 21:10

Is wat apan Jerusalem aien, is ehioehio inliinmopoi nup an nuarin-pece iyehki asega, um ika, Di neigki?

Madius 21:26

Ja el ta ika akaija, Is ahes ehele atimi; inta imtita atimi akaija; era ika atimi asega is idim aprofeta a Joanes.

Madius 21:46

Eris merit ara narop iran vaig, jam imtita atimi is ahinag, eris ika ara, Et aprofeta aien.

Lukas 13:33

Ja ek et hidim ika ainyak ki atga inpeig, im imraig, im lep vid: er eti auahas tah naprofeta irai taka uarin, Jerusalem ache.

Lukas 24:19

Is ika aien ehele rau, Nevitai? Erus ika ehelen arau, Nitai iji eigki vai Iesu nup an Nasared, is aprofeta aien, is esjilid nedo o un im intas o un an nuhup o Atua im lep atimi asega:

Lukas 7:16

Eris imtitaig ara asega: eris imyiahpas Atua ara, um ika, Et mun atidai eheleija naprofeta esjilid et ethi; um lep ika, Et mun ateghe ilpu atimi o un a Atua.

Lukas 7:39

Is wat ecetai a Farisi iyehki is imyiacaij yin aien, is aktaktai inliinmopon aien, um ika, El et aprofeta natimi ineigki, el et mun ato intakata ineigki aien et atcei pan yin aien, im nedo o un; et takata auatatimi aien.

Joanes 1:21

Eris lep ahodai yin ara, um ika, Aiek di aigki? Na Elaija aiek, ka o’o? Is um ika aien, O’o. Eris um ika ara, Na aprofeta iyehki aiek, ka o’o? Is um ika aien, O’o.

Joanes 1:25

Eris ahodai yin ara, um ika ehelen, El et eti Kristo aiek, ka Elaija, ka naprofeta iyehki, na auri aiek par baptiso ira atimi?

Joanes 4:19

Is um ika ehelen a intakata iyehki, Ak natimi alupas, ek ato ainyak, nikavaig, na aprofeta aiek:

Joanes 6:14

Eris wat almoi nauritai ehka ineig is ago a Iesu natimi iji ehki, eris ika ara, Et inivaijec ineig, nikavaig, et aprofeta iyehki aien eris ika vai yin etpu ham aien an nobohtan.

Joanes 7:40

Eris wat atahaijeg intas ineigki ara, eris ika natimi is ahinag, Et inivaijec ineig, nikavaig, et aprofeta iyehki aien.

Joanes 9:17

Eris lep ika ara ehele natimi iyehki is aupat nesganimtan, Na ikha aiek vai yin is asalgei nesganimtam aien? Is um ika aien, Et aprofeta aien.