Madius 2:11 - Intas-Etipup Mat u Iesu Kristo 1863 (Aneityum Gospels)

¹¹ Eris apan ara anliin neom, um ecet inhalav ehele Mere risin, um atpuse an nuhup o un, um alaigaheni vai yin: eris ahiacse padiaig ura ara, um alupai yin niji itai tup ahtai; colt, im nidi libano, im nidi mura.

Madius 2:11 ပူးပေါင်းရင်းမြစ်များ

Madius 1:18

IS um ucce napos Iesu Kristo: Is aminjinai Josef a Mere risin, ja erus eti fi ehramen arau; is um opouc aien vai Nesgan Upene.

Madius 12:46

Is wat tas aien ehele atimi is ahinag, is aiji ijo a risin im ilpu etoan, eris merit ara intasvaig ehelen.

Madius 14:33

Ara eris amen an nelcau ara, eris apan ara um atpuse an nuhup o un, um ika, Et idim inivaijec ineig, nikavaig, nai Hal o Atua aiek.

Madius 2:10

Eris wat ecetai inmoijeuv ara, is esjilid acen nimyiacitak ura.

Madius 2:2

um ika, Eris apos natimarid u nupu Jutaia eda? ecris ecetai inmoijeuv o un aijama an ridjai o un, ecra mun ham aijama mika ecri atpuse an nuhup o un.

Lukas 2:16

Eris auroauro ara um apan, um ecet Mere, im Josef, im lep inhalav nasjeucvaig an nelcau hag o kurimatau.

Lukas 2:38

Is apan aien anliin neom an nuarin-nadiat iyehki, um lep naaurineig vai Ihova, um tas vai yin ehele ra asega Jerusalem, eris aitgaig natimi imyiatamaig ra ara.

Joanes 19:39

is lep apan a Nikotimus, (aien aigki is upyi hup aien um apan ehele Iesu an nepeig,) um apos nahrincai auanipin upene pilaig a nidi mura, is idivaig is wun huntret paunt: