Madius 19:16 - Intas-Etipup Mat u Iesu Kristo 1863 (Aneityum Gospels)

¹⁶ Is apan ehelen natimi is ethi, um ika, Ak Natimi esege upene, inki ago nev edo upene ainyak, va ekpu leh nitai umoh iran ineig inyi ti lep ti?

Madius 19:16 ပူးပေါင်းရင်းမြစ်များ

Madius 19:15

Is atijai nikman aien ira ra, ja par ahes eahki um atga o un.

Madius 19:26

Is alum ra a Iesu, um ika ehele ra, Et ehka nitai ineigki va atimi; ja, et tup upene niji itai asega vai Atua.

Madius 19:29

ara asega eris ude eom ura, im ilpu etoara, im ilpu atahaig ira ra, im etmara, im risira, im ehgara, im ilpu hal ura, im umara, vai nyak, erupu leh neruvaig ara inyi wun huntret, im lep nitai umoh iran inyi ti lep ti:

Madius 25:46

Erupu apan ara sji eigki an nuarin ohocred, um amen irai iji mesese: ja erupu apan a ilpu atimi upene an nuarin umumoh, um amen iran irai iji mesese.

Joanes 10:28

ek alupai ra nitai umoh iran ineig ainyak inyi ti lep ti; uhpu eti auahas ra, inyi ti atoraliak ra tah natimi an nikmak.

Joanes 12:25

Aien et imyicoho nohun aien, etpu mas aien; ja aien et eti imyicoho nohun aien an nobohtan ineigki, etpu leh nitai umoh iran ineig aien inyi ti lep ti.

Joanes 3:15

va eri eti emesmas a ilpu atimi asgeig iran asega, jam leh nitai umoh iran ineig inyi ti lep ti.

Joanes 4:14

ja aien inyi umnyi inwai ineig aien ekpu aluman ainyak, inyi ti lep ahvig wai aien irai iji mesese; inwai ineigki ekpu aluman ainyak inyi imtanwai anliinmopon, um ahlau ohua sjai nitai umoh iran inyi ti lep ti.

Joanes 5:39

Eka ahilek an tas eris aged aijaua; eka aktaktai aijaua mika aki leh iran nitai umoh iran ineig inyi ti lep ti: et idim asuptecnaig nyak intas ineigki.

Joanes 6:47

Et idim inivaijec ineig ek asaig ehelemia ainyak mika, Aien et asgeig irak aien, etpu leh nitai umoh iran ineig aien inyi ti lep ti.

Joanes 6:68

Is um ika ehelen a Saimona Pitrus, Ak Natimarid, ecrupu apan ehele di aijama? et amen ehelum intas va nitai umoh iran ineig inyi ti lep ti: