Madius 18:9 - Intas-Etipup Mat u Iesu Kristo 1863 (Aneityum Gospels)

⁹ El et itai epihtau imi euc nesganimtam, anum atipagki aiek, um ethaig: etpu upene vai euc napanvaig an nuarin umoh, um ethi ache nesganimtam; jam has nethaig pan euc vaig an cop an pece has, el et eteuc ero nesganimtam.

Madius 18:9 ပူးပေါင်းရင်းမြစ်များ

Madius 16:26

Et eti upene vaig tah natimi inlehvaig nobohtan asega, um auahas nesgan: inyi auanimtan nesgan tah natimi anhe?

Madius 18:8

El et itai epihtau imi euc nikmam ka neduom, anum acaldei aiek, um ethaig: etpu upene vai euc napanvaig an nuarin umoh, um alkalka um ighin; jam has nethaig pan euc vaig an cop inyi ti lep opos, el et eteuc ero nikmam im neduom.

Madius 19:17

Is ika ehelen aien, Na auri aiek par aniv upene nyak? et eti upene tah, Atua ache: ja el et merit aiek napanvaig an nuarin umumoh iran, um imyiaiji niji tas alep o Atua.

Madius 5:22

ja ek asaig ehelemia ainyak mika, Aien et tup edemda vai etoan aien, etpu leh neruvaig aien: aien et ika aien ehele etoan, Et takitai, uhpu tas alep vai yin: aien et ika aien ehele etoan, Ak natimi ahnag, uhpu ati yin an cop an pece has.

Madius 5:29

El et itai epihtau imi euc nesganimtam inmatam, anum atipagki aiek, um ethaig: et upene vai euc, mika uhpu auahas nuarin-nohum et ethi, jam has, nikavaig, uhpu ethaig nohum asega an pece has.