Madius 18:20 - Intas-Etipup Mat u Iesu Kristo 1863 (Aneityum Gospels)

²⁰ El et asjapicnaig natimi et ero ka et eseij an tah anuarin va nidak, ekpu idim amen ehele ehtaij ainyak.

Madius 18:20 ပူးပေါင်းရင်းမြစ်များ

Madius 18:21

Is apan ehelen a Pitrus, um ika, Ak Natimarid, inyi ago nedo has vai nyak a etoak um ehcehed, ja ekpu eti aru ainyak? inyi yetpan irai seven, ka o’o?

Madius 28:20

um esege imi ra mika eri imyiaiji niji itai asega ara kis tas alep vaig ehelemia ainyak: ekpu idim amen ehelemia ainyak irai iji adiat, um yetpan an nehni u naopan. Emen.

Joanes 20:19

An nadiat iyehki is wat jupura, nadiat uhup irai wiik, is ipjin intapanes an nuarin-neom iyehki eris asjapicnaig iran a ilpu atimi atahaijeg yin va nimtitai nupu Jutaia ura, is ehcohos pan a Iesu, um aiji an nuhup ura, um ika ehele ra, Etmu eteuc neigpa ehelemia.

Joanes 20:26

Is wat ti pan itac nadiat is eet, eris amen anliin neom a ilpu atimi atahaijeg yin, im lep Tomas: is ehcohos pan a Iesu, um aiji an nuhup ura, ja is ipjin intapanes, um ika, Etmu eteuc neigpa ehelemia.

Joanes 8:58

Is um ika ehele ra a Iesu, Et idim inivaijec ineig ek asaig ehelemia ainyak mika, an naopan iyehki is pam eti eteuc a Ebraham, EK TUP ETEUC AINYAK.