Madius 18:10 - Intas-Etipup Mat u Iesu Kristo 1863 (Aneityum Gospels)

¹⁰ Akumu jim amcel vaig tah natimi upoupo iji eigki aijaua; ek asaig ehelemia ainyak mika, Era almoi nesganimtai Etmak an nohatag a ilpu agelo ura irai iji adiat an nohatag.

Madius 18:10 ပူးပေါင်းရင်းမြစ်များ

Madius 1:20

Is wat aktaktai nitai iji eigki aien, is ehcohos pan ehelen a nagelo o Ihova an numjeg ahnag o un, um ika, Ak Josef, mapoi Tevit, jim imtitaig aiek inlehvaig Mere ehgam: et opouc aien vai Nesgan Upene:

Madius 12:20

inyi ti asvaldeipagki nieg asvagrei aien, um eti ahni incop alahala cas uposupos, um imyihum pan naopan iyehki etpu esjilid intas atoh o un:

Madius 18:14

Et idim ucco et eti merit a Etmamia an nohatag, mika uhpu auahas tah ira atimi upoupo iji eigki.

Madius 18:6

el et ago nedo oop vai ilpu halav iji eigki tah era asgeig irak ara, el et upene vai yin el er athai inhat irara flaur an nauinwan, um atise yin an namilvai ubou acen.

Madius 2:13

Eris wat atga ura ara, is ehcohos pan ehele Josef a nagelo o Ihova, an numjeg ahnag o un, um ika, Atidai aiek, um leh inhalav im risin, um aha pan Ijipt, um amen eahki wat uhum pan naopan iyehki ekpu asuptecnaig ehelum ainyak: etpu ahilek inhalav a Herot mika yi atgei yin.

Madius 2:19

Is wat mas a Herot, is ehcohos pan ehele Josef a nagelo o Ihova an numjeg ahnag o un an pece Ijipt,

Madius 24:31

Etpu abrai ilpu agelo o un aien, mika eri ahlai intoho esjilid ara, um asjapicnaig ilpu atimi ehtai ra o un irai iji uarin asega, ahes an nahaijin nohatag um yetpan an nahaijin.

Lukas 1:19

Is tas a nagelo, um ika ehelen, Ek Cebriel ainyak, um aiji an nuhup o Atua; eris abrai nyak mika ki tas ehelum ainyak, um asuptecnaig ehelum intas upene iji eigki:

Lukas 10:16

Aien et atahaijeg caua aien, et idim atahaijeg nyak aien; aien et amcel vai caua aien, et idim amcel vai nyak aien; aien et amcel vai nyak aien, et idim amcel vai yin aien is abrai nyak aien.

Lukas 16:22

Is um mas nihki natimi iyehki, eris apos pan yin a ilpu agelo, um ati yin an riti Ebraham: is um lep mas natimi ikni itai iyehki, eris um atelmoi yin;