Madius 17:9 - Intas-Etipup Mat u Iesu Kristo 1863 (Aneityum Gospels)

⁹ Eris ahes an nedoon iyehki ara um asuol, is acaiji ehtaij a Iesu um ika, Jim asuptecnaig ehelen tah nitai ineig ehtaij mun almoi aijautaij an naopan ineig, um uhum pan naopan iyehki inyi nusjai a Inhal o natimi vai inmas o un, ja par asuptecnaig.

Madius 17:9 ပူးပေါင်းရင်းမြစ်များ

Madius 12:16

is lep acaiji ra aien mika eri jim aniv yin ara:

Madius 17:12

ja ek asaig ehelemitaij ainyak mika, is idim ham a Elaija, eris eti ato yin ara, eris ago iran ara niji itai asega eris merit ara: etpu idim ucco etpu ohocred a Inhal o natimi vai ra.

Madius 17:20

Is um ika ehele ra a Iesu, Va nimyiisjis nahcil unyimia: et inivaijec ineig ek asaig ehelemia ainyak mika, El et eteuc nimyiisjis ninivaijec unyimia et idivaig nupsi mustart, aku wit tas ehele nedoon ineig aijaua, mika yi atga um apan an tah anuarin; el et par apan; el et ti ehka vai caua tah nitai:

Madius 17:22

ERIS wat amen Calili ara, is um ika ehele ra a Iesu, Uhpu ati Inhal o natimi irai ikma atimi:

Madius 17:23

erupu atgei yin ara, ja et wit ti pan itac nadiat inyi eseij etpu lep nusjai aien. Is ohocred alupas inliinmopura ara.

Madius 17:8

Ehtijis wat atidaijai ahtaij, ehtijis eti ecet tah natimi ahtaij, Iesu ache.

Madius 8:20

Is ika ehelen a Iesu, Et eteuc inhelhel o kuri aleg, im lep nasiom oi man; ja et ti nuarin asjeuc imi Inhal o natimi.

Madius 8:4

Is ika ehelen a Iesu, Namu jim asuptecnaig ehelen tah aiek; jam atga unyum, um ehvai euc ehele natimi ahlap, um ahlap an nitai tup ahtai ineig is asaig a Moses, nitai asuptecnaig imi ra.

Lukas 8:56

Erus imyiali ahwat atmil o un: is acaiji rau aien mika eru jim asuptecnaig nedo ineigki arau ehelen tah.

Lukas 9:36

Is wat ti nohran iyehki, is echim amen ache a Iesu. Ehtijis ateri ahtaij an naopan iyehki, um eti asuptecnaig ehelen tah nitai iji ehki ehtijis ecetai ahtaij.