Madius 15:36 - Intas-Etipup Mat u Iesu Kristo 1863 (Aneityum Gospels)

³⁶ Is leh nareto is seven aien im numu, um naaurineig, um iswoplecoplec, um alupai ilpu atimi atahaijeg yin, eris um alaa atimi is ahinag a ilpu atimi atahaijeg yin.

Madius 15:36 ပူးပေါင်းရင်းမြစ်များ

Lukas 22:19

Is leh nareto aien, um naaurineig iran, um aswaplec, um alaa ra, um ika, Nohuk ineigki eris ahtai vai caua: ago nedo ineigki aijaua par imyiehva nyak.

Joanes 6:11

Is leh nareto a Iesu, um naaurineig iran, ja par alupai ilpu atimi atahaijeg yin, eris alaa atimi ateucse ilpu atimi atahaijeg yin; is lep ucce a numu; eris hegaig ara, um eti ahtahni.

Joanes 6:23

(ja eris ahes Taibiryas niji alvelcau is eche ubutpotet u nuarin iyehki is naaurineig iran Natimarid, ja eris par hag ara:)

Lukas 24:30

Is wat ateuc ehele rau aien um hag, is leh nareto aien, um naaurineig iran, um aswaplec, um alaa rau.

Lukas 22:17

Is leh nipjinitai aien, um naaurineig iran, um ika, Leh ineigki aijaua um edaig jipe iramia:

Madius 14:19

Is ika aien ehele atimi asjapicnaig, eri ateucse ara irai efelelicai, is leh nareto is faiv aien, im numu is ero, um easji pan an nohatag, um naaurineig, um iswoplecoplec, um alupai ilpu atimi atahaijeg yin nareto iji ehki, eris edaig ira atimi iji ehki a ilpu atimi atahaijeg yin.

Madius 15:35

Is um ika ehele atimi aien, eri ateucse ara an nobohtan.