Madius 12:44 - Intas-Etipup Mat u Iesu Kristo 1863 (Aneityum Gospels)

⁴⁴ et lep ika aien, Ki adumoij pan ainyak an neom unyak ineig kis upyi amen iran ainyak; et wit yetpan aien um ecetai neom iyehki, et mun tup lah, eh mun ahre um yecrei,

Madius 12:44 ပူးပေါင်းရင်းမြစ်များ

Madius 12:29

Et ehka vaig tah napanvaig anliin neom o natimi emda, um ahneg inpadiag o un; ja el et uhup aien um arore natimi emda, etpu tup upene nahnegvaig itai an neom o un.

Madius 12:43

Et wat atceijaig tah natimi a nagelo has, et um atga aien irai uari amasacen, um ika yi atumop, ja et ehka:

Madius 12:45

et apan aien, um leucse ilpu agelo has et eche et seven, et esjilid nauatatimi ura an nauatatimi o un, era apan ara anliin neom iyehki, um amen iran: is upyi hup natimi ineigki um has, ja par apitac um has esjilid. Etpu idim ucco ira atimi auatatimi an naopan ineig.

Lukas 11:25

Et wat yetpan aien, um ecetai neom eh mun ahre um yecrei:

Joanes 12:6

Is eti asan tas ineigki aien va naiheuc vai ilpu ihki atimi o un; ja is atimi ehneg itai aien, is amen ehelen incedpai mune, is apos mune ineig aien eris atohwaig iran.

Joanes 13:2

Eris wat hag ara, (is auahas inliinmopoi Jutas nupu Karyot, inhal o Saimona, a Tiapolo, um ika yi aniv yin;)

Joanes 13:27

Is leh nuarin nitai caig iyehki aien, ja is ahei yin a Satana. Is um ika ehelen a Iesu, Auroauro aiek um ago nitai ineig, nai ika aiek napu ago.