Madius 12:41 - Intas-Etipup Mat u Iesu Kristo 1863 (Aneityum Gospels)

⁴¹ Erupu atidai a nup an Ninivi an nadiat almaijidjid, um ated atimi an naopan ineig: eris adumoij anliinmopura ara vai intas asuptecnaig o Jona; ja et amen tah igcaki et esjilid aien irai Jona.

Madius 12:41 ပူးပေါင်းရင်းမြစ်များ

Madius 12:39

Is tas aien, um ika ehele ra, Era merit nalmoivaig nitai asjaaicnaig a ilpu atimi auatatimi, im ilpu atimi imyiisjis nahcil; ja uhpu eti ago nitai asjaaicnaig vai ra, nitai asjaaicnaig ache o Jona naprofeta:

Madius 12:42

Etpu atidai a natimarid takata Siba an nadiat almaijidjid, um ated atimi an naopan ineig: is ahes aien an nehni va nobohtan um apam, mika yi atahaijeg narapakau o Solomon; ja et amen tah igcaki et esjilid aien irai Solomon.

Madius 12:45

et apan aien, um leucse ilpu agelo has et eche et seven, et esjilid nauatatimi ura an nauatatimi o un, era apan ara anliin neom iyehki, um amen iran: is upyi hup natimi ineigki um has, ja par apitac um has esjilid. Etpu idim ucco ira atimi auatatimi an naopan ineig.

Madius 12:6

ek asaig ehelemia ainyak mika, Et amen igcaki tah et ethi et esjilid aien an neom ahlap.

Madius 16:4

Era merit nalmoivaig nitai asjaaicnaig a ilpu atimi auatatimi im ilpu atimi imyiisjis nahcil; ja eri eti almoi nitai asjaaicnaig ara, nitai asjaaicnaig ineig ache o Jona naprofeta. Is ude ra aien um atga o un.

Madius 17:17

Is tas a Iesu, um ika, Ak ilpu atimi imyiisjis nahcil im ilpu atimi auatatimi, kis amen ehelemia ainyak is itu irak, um eropse inliinmopok ainyak vai caua um itu irak: imyiapam yin igcaki ehelek aijaua.

Madius 23:36

Et inivaijec ineig ek asaig ehelemia ainyak mika, Etpu yetpam nitai iji eigki asega ira atimi an naopan ineig.

Lukas 11:32

Erupu atidai a nup an Ninivi an nadiat almaijidjid an nuhup u atimi an naopan ineig, um ated ra: eris adumoij anliinmopura ara vai intas asuptecnaig o Jona; ja et idim amen igcaki tah et esjilid aien irai Jona.

Joanes 3:31

Aien et ahes an nohatag aien, et esjilid aien irai iji itai asega: aien et ahes an nobohtan aien, et obohtan aien, um tas va nobohtan: aien et ahes an nohatag aien, et esjilid aien irai iji itai asega.

Joanes 4:12

na esjilid aiek irai Jekob etmaija, ka o’o? is alupai cama nehpan wai ineigki aien, is umwig iran aien, im ilpu hal o un, im kurimatau o un.